CATplus
ദൈവസാന്നിദ്ധ്യം
വളരെ സമര്‍ത്ഥനായിരുന്നു ജോസഫ് സാര്‍ത്തോ. മതപഠന ക്ലാസ്സില്‍ അദ്ധ്യാപകന്‍ ഒരിക്കല്‍ ചോദിച്ചു: "ദൈവം എവിടെയായിരിക്കുന്നു എന്നു ശരിയുത്തരം പറയുമെങ്കില്‍ ഒരാപ്പിള്‍ തരാം." ജോസഫ് ഉടന്‍ ചാടിയെണീറ്റു പറഞ്ഞു: "ദൈവം ഇല്ലാത്തത് എവിടെയാണെന്നു പറഞ്ഞാല്‍ ഞാന്‍ രണ്ട് ആപ്പിള്‍ തരാം." ദൈവസാന്നിദ്ധ്യത്തെക്കുറിച്ചു കൊച്ചുനാള്‍ മുതല്‍ അത്ര അവബോധമുണ്ടായിരുന്നു ആ കുഞ്ഞിന്. അവനാണു പില്ക്കാലത്തു സഭയെ നയിക്കാന്‍ ദൈവം നിയോഗിച്ച വി. പത്താം പിയൂസ് പാപ്പ. ഈശോ എപ്പോഴും എല്ലായിടത്തും സന്നിഹിതനായിരിക്കുന്നു എന്ന സത്യം കൂടുതല്‍ കൂടുതല്‍ അനുഭവിക്കുകയും അതില്‍ ആഴപ്പെടുകയും ചെയ്തുകൊണ്ടായിരിക്കണം ആത്മീയതയുടെ പടികള്‍ കയറേണ്ടത്.
