മനുഷ്യന്റെ ജീവിതവും പെരുമാറ്റവും വളരെ സങ്കീര്ണ്ണമാണ്. നാം ആഗ്രഹിക്കുന്നതുപോലെ പെരുമാറാന് പലപ്പോഴും നമുക്ക് കഴിയാറില്ല. ആഗ്രഹിക്കുന്ന നന്മയല്ല ആഗ്രഹിക്കാത്ത തിന്മയാണ് ഞാന് ചെയ്യുന്നതെന്ന പൗലോസ് ശ്ലീഹായുടെ വാക്കുകള് ശ്രദ്ധേയമാണ്. നാം ജീവിതത്തെ സംബന്ധിച്ച പല തീരുമാനങ്ങളുമെടുക്കും. എന്നാല് അവയില് 10% പോലും പ്രവൃത്തിപഥത്തിലെത്തിക്കുവാന് നമുക്കു കഴിയാറില്ല. നമ്മുടെ ജീവിതവിജയത്തിന് പ്രധാന വിലങ്ങുതടിയായി നില്ക്കുന്നത് ഇത്തരത്തില് ഓരോ വ്യക്തിയിലുമുള്ള ദുഃശ്ശീലങ്ങളാണ്.