റവ. ഡോ. ജോസ് ചിറമേല്‍ കാനന്‍ ലോ സൊസൈറ്റി പ്രസിഡന്‍റ്
ഓറിയന്‍റല്‍ കാനന്‍ലോ സൊസൈറ്റി ഓഫ് ഇന്ത്യയുടെ പ്രസിഡന്‍റായി റവ.ഡോ. ജോസ് ചിറമേല്‍ വീണ്ടും തെരഞ്ഞെടുക്കപ്പെട്ടു. എറണാകുളം – അങ്കമാലി അതിരൂപതാംഗമായ ഇദ്ദേഹം, സീറോ മലബാര്‍ മേജര്‍ ആര്‍ക്കി എപ്പിസ്കോപ്പല്‍ കോടതിയുടെ അധ്യക്ഷനും സഭയുടെ പോസ്റ്റുലേറ്റര്‍ ജനറലുമാണ്. മറ്റു ഭാരവാഹികള്‍: റവ. ഡോ. വര്‍ഗീസ് മനയ്ക്കലേറ്റ് – വൈസ് പ്രസിഡന്‍റ്, റവ. ഡോ. വര്‍ഗീസ് പാലത്തിങ്കല്‍ – ജനറല്‍ സെക്രട്ടറി, ഫാ. ജോണ്‍സണ്‍ മാനാടന്‍ – ട്രഷറര്‍, റവ. ഡോ. ജെയിംസ് പാമ്പാറ, റവ. ഡോ. തോമസ് കുഴിയിനാപുറത്ത്, സിസ്റ്റര്‍ ബ്ലെസി – കമ്മിറ്റി അംഗങ്ങള്‍. കാനന്‍ ലോ സൊസൈറ്റിയുടെ വാര്‍ഷിക സമ്മേളനം കോട്ടയം ആര്‍ച്ച്ബിഷപ് മാര്‍ മാത്യു മൂലക്കാട്ട് ഉദ്ഘാടനം ചെയ്തു. നീതിനിര്‍വഹണത്തിന്‍റെ അന്തഃസത്ത കാരുണ്യമാണെന്ന് അദ്ദേഹം ഓര്‍മിപ്പിച്ചു. ഇന്ത്യയുടെ വിവിധ ഭാഗങ്ങളില്‍ നിന്നു കാനന്‍ നിയമവിദഗ്ദ്ധര്‍ പങ്കെടുത്തു.
