പശ്ചിമ ബംഗാളിലെ ന്യൂ ടൌണില്‍ യൂണിവേഴ്സിറ്റി ആരംഭിക്കാന്‍ ഈശോ സഭയ്ക്ക് ബംഗാള്‍ നിയമ സഭയുടെ അനുമതി ലഭിച്ചു. ഇതുസംബന്ധിച്ച സെന്‍റ് സേവ്യേഴ്സ് യൂണിവേഴ്സിറ്റി, കൊല്‍ക്കൊത്ത ബില്‍ 2016 നിയമസഭ ഏകകണ്ഠേന പാസാക്കി. സെന്‍റ് സേവ്യേഴ്സ് കോളജായിരിക്കും പുതിയ യൂണിവേഴ്സിറ്റിയുടെ നേതൃത്വം വഹിക്കുക. 2017-18 അധ്യയന വര്‍ഷത്തില്‍ത്തന്നെ കോഴ്സുകള്‍ ആരംഭിക്കും.

യൂണിവേഴ്സിറ്റിയുടെ ആവിര്‍ഭാവത്തിനു വേണ്ടി പരിശ്രമിച്ച എല്ലാ നിയമസഭാ സമാജികര്‍ക്കും സെന്‍റ് സേവ്യേഴ്സ് കോളജിന്‍റെ പ്രിന്‍സിപ്പാള്‍ ഫാ. ജോണ്‍ ഫെലിക്സ് രാജ് നന്ദി പറഞ്ഞു. യൂണിവേഴ്സിറ്റി ആരംഭിക്കുന്നതിനുവേണ്ടി പരിശ്രമിച്ചവരില്‍ ആദ്യംമുതല്‍ രംഗത്തുണ്ടായിരുന്ന വ്യക്തിയാണിദ്ദേഹം.