അങ്കമാലി: നേത്രരോഗവിദഗ്ദ്ധരുടെ അന്താരാഷ്ട്രദിനത്തില് ലിറ്റില് ഫ്ലവര് ആശുപത്രിയില് ആഘോഷപരിപാടികള് സംഘടിപ്പിച്ചു. നേത്രചികിത്സ രംഗത്ത് മികവ് പുലര്ത്തിയവരെ ചടങ്ങില് ആദരിച്ചു. ഡയറക്ടര് ഫാ. തോമസ് വൈക്കത്തുപറമ്പില് അധ്യക്ഷത വഹിച്ചു.
അസ്സി. ഡയറക്ടര് ഫാ. വര്ഗ്ഗീസ് പാലാട്ടി, നേത്രവിഭാഗം മേധാവി ഡോ. എലിസബത്ത് ജോസഫ്, ഡോ. ഇ. ജെ. മാണി, ഡോ. തോമസ് ചെറിയാന് എന്നിവര് പ്രസംഗിച്ചു. യോഗാനന്തരം കലാപരിപാടികള് അരങ്ങേറി.
കണ്ണടകള് കുറഞ്ഞ വിലയ്ക്ക് നല്കുക എന്ന ലക്ഷ്യത്തോടെ എല്. എഫ്. ആശുപത്രി സ്വന്തം കണ്ണട ഫ്രെയിം പുറത്തിറക്കുന്ന ചടങ്ങും ഉണ്ടായിരുന്നു.
ലോകപ്രശസ്ത നേത്രരോഗ വിദഗ്ദ്ധന് സിതോസ്ലാവ് നിക്കളോയ്വിച്ച് ഫ്യുദറോഫ്ന്റെ ജന്മദിനമാണ് നേത്രരോഗ വിദഗ്ദ്ധരുടെ ദിനമായി ആചരിക്കുന്നത്.