കൊച്ചി: സമൂഹത്തിലെ വിവിധ മേഖലകളില്‍ പ്രാഗത്ഭ്യവും പ്രതിഭയും തെളിയിച്ച സമുദായ അംഗങ്ങളെ കേരള റീജ്യന്‍ ലാറ്റിന്‍ കാത്തലിക് കൗണ്‍സില്‍ (കെആര്‍എല്‍സിസി) അവാര്‍ഡ് നല്കി ആദരിക്കുന്നു. സമൂഹനിര്‍മിതി, സാഹിത്യം, വൈജ്ഞാനിക സാഹിത്യം, മാധ്യമം, കലാപ്രതിഭ, വിദ്യാഭ്യാസ – ശാസ്ത്രരംഗം, കായികം, സംരംഭകര്‍, യുവത എന്നീ മേഖലകളിലാണ് കെആര്‍എല്‍സിസി അവാര്‍ഡ് ഏര്‍പ്പെടുത്തിയിട്ടുള്ളത്. ക്യാഷ് അവാര്‍ഡും ഫലകവും അടങ്ങുന്ന അവാര്‍ഡ് 2019 ഡിസംബര്‍ 8 ന് കൊല്ലത്ത് നടക്കുന്ന സമ്മേളനത്തില്‍ സമ്മാനിക്കും. സാഹിത്യ അവാര്‍ഡിനും വൈജ്ഞാനിക സാഹിത്യ അവാര്‍ഡിനും നാമനിര്‍ദേശ പത്രിക സമര്‍പ്പിക്കുന്നവര്‍ പ്രസിദ്ധീകരിച്ച പുസ്തകങ്ങളുടെ 3 കോപ്പികള്‍ വീതം കെആര്‍എല്‍സിസി ഓഫീസില്‍ എത്തിക്കണം. 2019 ഒക്ടോബര്‍ 20 വരെ അവാര്‍ഡിനുള്ള എന്‍ട്രികള്‍ സ്വീകരിക്കും. നാമനിര്‍ദേശപത്രികയും കൂടുതല്‍ വിവരങ്ങളും കെആര്‍ എല്‍സിസിയുടെ വെബ് സൈറ്റില്‍ (www.krlcc.org) നിന്ന് ലഭിക്കുന്നതാണ്.