വത്തിക്കാന്‍ മാധ്യമ കാര്യാലയത്തിന് ഫ്രാന്‍സിസ് മാര്‍പാപ്പ 2 പുതിയ വൈസ് ഡയറക്ടര്‍മാരെ നിയമിച്ചു. 53 കാരനായ മസിമിലിയാനോ മെനിചെറ്റിയാണ് ഒരാള്‍. വത്തിക്കാന്‍ ന്യൂസില്‍ 20 വര്‍ഷത്തെ അനുഭവസമ്പത്തുള്ള ആളാണ് അദ്ദേഹം. വത്തിക്കാന്‍ റേഡിയോയുടെ കോഡിനേറ്റിംഗ് ചീഫ് ആയും ഇറ്റാലിയന്‍ യൂണിവേഴ്‌സിറ്റികളിലെ ജേണലിസം അധ്യാപകനായും പ്രവര്‍ത്തിച്ചിട്ടുണ്ട്.
52 കാരനായ ഫ്രാന്‍സിസ്‌കോ വാലി ആണ് രണ്ടാമത്തെ വൈസ് ഡയറക്ടര്‍. ഇറ്റാലിയന്‍ ടിവിയുടെ മുന്‍ ഡയറക്ടര്‍ ആണ്. വത്തിക്കാന്‍ കമ്മ്യൂണിക്കേഷന്‍സിന്റെ വാണിജ്യ പ്രവര്‍ത്തനങ്ങളുടെ ചുമതല വഹിച്ചു വരികയായിരുന്നു.
2018 മുതല്‍ വത്തിക്കാന്‍ മാധ്യമത്തിന്റെ അധ്യക്ഷനായ പ്രവര്‍ത്തിച്ചു വരുന്നത് പൗലോ റൂഫിനി ആണ്. റോമിലെ ഒരു കാര്യാലയത്തിന്റെ അധ്യക്ഷനായി വരുന്ന ആദ്യത്തെ അല്‍മായനാണ് അദ്ദേഹം. ഫാ. ലൂസിയോ അഡ്രിയന്‍ റുയിസ് ആണ് കാര്യാലയത്തിന്റെ സെക്രട്ടറി.