മുത്തശ്ശീ-മുത്തച്ഛന്മാര്‍ക്കും വയോജനങ്ങള്‍ക്കും വേണ്ടിയുള്ള ആഗോള ദിനമായി ജൂലൈ 28 ആഘോഷിച്ചതിന്റെ പശ്ചാത്തലത്തില്‍, ആഗോള സഭയിലെ 5 വിശുദ്ധരുടെ പേരുകള്‍ പ്രത്യേകം അനുസ്മരിക്കപ്പെട്ടു. മുത്തശ്ശീ-മുത്തച്ഛന്മാരായിരുന്നു ഈ അഞ്ചു വിശുദ്ധര്‍.

വിശുദ്ധ മോണിക്കയാണ് ഇവരിലൊരാള്‍. സഭയിലെ മഹാനായ ദൈവ ശാസ്ത്രജ്ഞന്‍ വിശുദ്ധ അഗസ്റ്റിന്റെ മാതാവ്. മാനസാന്തരത്തിനു മുമ്പുള്ള കാലത്ത് അഗസ്റ്റിന് ഒരു പുത്രന്‍ ജനിച്ചിരുന്നു. അദിയോഡാറ്റസ് എന്ന് പേരുണ്ടായിരുന്ന ആ പുത്രനുമൊത്ത് അമ്മയുടെ ഒപ്പമാണ് അഗസ്റ്റിന്‍ കഴിഞ്ഞിരുന്നത്. പതിനാറാം വയസ്സില്‍ തന്നെ ആ ബാലന്‍ മരണമടഞ്ഞു.

കോണ്‍സ്റ്റന്റൈന്‍ ചക്രവര്‍ത്തിയുടെ അമ്മയായിരുന്ന വിശുദ്ധ ഹെലന്‍ ആണ് രണ്ടാമത്തെയാള്‍. ഇന്നത്തെ തുര്‍ക്കിയില്‍ എ ഡി മൂന്നാം നൂറ്റാണ്ടിലാണ് അവര്‍ ജീവിച്ചിരുന്നത്. ബെത്‌ലെഹം ഉള്‍പ്പെടെ അനേകം സ്ഥലങ്ങളില്‍ ദേവാലയങ്ങള്‍ നിര്‍മ്മിക്കുന്നതിലും യേശുക്രിസ്തുവിനെ തറച്ച കുരിശ് കണ്ടെത്തുന്നതിലും നിര്‍ണ്ണായക പങ്കുവഹിച്ച വ്യക്തിത്വമാണ് വിശുദ്ധ ഹെലന്‍.

ഇംഗ്ലണ്ടിലെ രക്തസാക്ഷിയായിരുന്നു വിശുദ്ധ തോമസ് മൂര്‍ നാല് മക്കളുടെ പിതാവായിരുന്നു. ഈ നാലുപേരും വിവാഹിതരാവുകയും 23 ഓളം കുട്ടികള്‍ നാലുപേര്‍ക്കുമായി ജനിക്കുകയും ചെയ്തിരുന്നു. ഹെന്‍ട്രി എട്ടാമന്റെ ചാന്‍സലറായി സേവനം ചെയ്ത വിശുദ്ധനാണ് തോമസ് മൂര്‍.

13-ാം നൂറ്റാണ്ടില്‍ ഫ്രാന്‍സിലെ രാജാവായിരുന്ന വിശുദ്ധ ലൂയി ഒമ്പതാമന് 11 മക്കളും പേരക്കുട്ടികളും ഉണ്ടായിരുന്നു.

വിശുദ്ധ എലിസബത്ത് ആന്‍ സെറ്റണ്‍ വിവാഹിതയും നിരവധി പേരക്കുട്ടികളുടെ മുത്തശ്ശിയും ആയിരുന്നു. ഒരു അകത്തോലിക്കാസഭയില്‍ ജനിച്ചു വളര്‍ന്ന അവര്‍ പില്‍ക്കാലത്താണ് കത്തോലിക്കാ സഭയില്‍ ചേര്‍ന്നത്.