ഡി. ജസീന്ത SCCJ, തമിഴ്നാട്
ഈയിടെ ഓണാഘോഷത്തോടനുബന്ധിച്ചു കുറേ സിസ്റ്റേഴ്സിന്‍റെ കൈകൊട്ടിക്കളി വാട്ട് സാപ്പില്‍ കണ്ടു. അതേക്കുറിച്ചുള്ള ചിലരുടെ കമന്‍റുകള്‍ കേട്ടപ്പോള്‍ തലതാഴ്ത്തി നില്ക്കേണ്ടി വന്നു. സിസ്റ്റേഴ്സ് സന്തോഷമായിരിക്കുന്നതും ഡാന്‍സ് ചെയ്യുന്നതും തെറ്റാണ് എന്നു പറയാനല്ല ഇതെഴുതുന്നത്. ഈ ആഘോഷം കോണ്‍വെന്‍റിനുള്ളില്‍ പോരെ? മീഡിയാവഴി നാട്ടിലുള്ള എല്ലാവരെയും കാണിക്കണോ? ഈ സഹോദരികള്‍ ചെയ്യുന്ന ജനസേവന പ്രവൃത്തികള്‍ സംപ്രേഷണം ചെയ്തിരുന്നെങ്കില്‍ ഇതിലും എത്രയോ അഴകായിരിക്കും? സമൂഹത്തില്‍ നമുക്കുള്ള വില നമ്മളാല്‍ തന്നെ കളയരുത്.