ഹേറോദേസ് രാജാവിന്‍റെ കാലത്ത് അബിയായുടെ കുടുംബത്തില്‍ ജനിച്ച ഒരു പുരോഹിതനാണു സക്കറിയാസ്. അഹറോന്‍റെ പുത്രിമാരിലൊരാളായ എലിസബത്തായിരുന്നു അദ്ദേഹത്തിന്‍റെ ഭാര്യ. അവള്‍ വന്ധ്യയായിരുന്നതിനാല്‍ അവര്‍ക്കു മക്കളില്ലായിരുന്നു. എലിസബത്ത് ഒരാണ്‍കുട്ടിയെ പ്രസവിക്കുമെന്നും അവന്‍ യോഹന്നാന്‍ എന്നറിയപ്പെടുമെന്നും ഗബ്രിയേല്‍ ദൂതന്‍ അറിയിക്കുകയും അതു സംഭവിക്കുകയും ചെയ്തു.