നാലാം നൂറ്റാണ്ടിന്റെ തുടക്കത്തിൽ, റോമൻ ചക്രവർത്തിയായിരുന്ന ഡയോക്ലീഷ്യന്റെ ക്രൂരമായ ക്രിസ്ത്യൻ വിരുദ്ധ പീഡനങ്ങളുടെ കാലത്താണ് വിശുദ്ധ ഐറിൻ ജീവിച്ചിരുന്നത്. തെസ്സലോണിക്കയിലെ ഒരു ക്രിസ്തീയ കുടുംബത്തിലായിരുന്നു ഐറിന്റെയും സഹോദരിമാരായ അഗാപെ, ചിയോണിയ എന്നിവരുടെയും ജനനം. വിശുദ്ധ ഐറിനും അവരുടെ സഹോദരിമാരായ വിശുദ്ധ അഗാപെ, വിശുദ്ധ ചിയോണിയ എന്നിവരും ക്രിസ്തീയ വിശ്വാസത്തിനുവേണ്ടി രക്തസാക്ഷിത്വം വരിച്ചവരാണ്. നാലാം നൂറ്റാണ്ടിന്റെ തുടക്കത്തിൽ (എ.ഡി. 304) റോമൻ ചക്രവർത്തിയായിരുന്ന ഡയോക്ലീഷ്യന്റെ ഭരണകാലത്താണ് ഇവർ കൊല്ലപ്പെട്ടത്.
ക്രിസ്തീയ ഗ്രന്ഥങ്ങൾ കൈവശം വയ്ക്കുന്നതും വായിക്കുന്നതും അക്കാലത്ത് വധശിക്ഷ ലഭിക്കാവുന്ന കുറ്റമായിരുന്നു. എന്നാൽ ഐറിനും സഹോദരിമാരും ഭയപ്പെടാതെ ബൈബിളും മറ്റ് വിശുദ്ധ രേഖകളും രഹസ്യമായി സൂക്ഷിക്കുകയും അവ പഠിക്കുകയും ചെയ്തു. അധികാരികൾ പരിശോധനയ്ക്ക് എത്തിയപ്പോൾ അവർ ഈ ഗ്രന്ഥങ്ങളുമായി മലനിരകളിലേക്ക് രക്ഷപ്പെട്ടു.
എ.ഡി. 304-ൽ ഇവർ അധികാരികളുടെ പിടിയിലായി. ഗവർണർ ഡുൾസിറ്റിയസിനു മുൻപിൽ ഹാജരാക്കപ്പെട്ട അവരോട് വിഗ്രഹങ്ങളെ ആരാധിക്കാനും വിശുദ്ധ ഗ്രന്ഥങ്ങൾ കൈമാറാനും ആവശ്യപ്പെട്ടു. എന്നാൽ വിശ്വാസത്തിൽ ഉറച്ചുനിന്ന സഹോദരിമാർ അതിനു തയ്യാറായില്ല.
ഐറിന്റെ സഹോദരിമാരായ അഗാപെയും ചിയോണിയയും ആദ്യം അഗ്നിക്കിരയാക്കപ്പെട്ടു. ഐറിനെ വിശ്വാസത്തിൽ നിന്ന് പിന്തിരിപ്പിക്കാൻ ഗവർണർ പലവിധത്തിൽ ശ്രമിച്ചു. അവളെ അപമാനിക്കാനായി ഒരു വേശ്യാലയത്തിലേക്ക് അയക്കാൻ ഉത്തരവിട്ടെങ്കിലും, ദൈവകൃപയാൽ ആർക്കും അവളെ തൊടാൻ സാധിച്ചില്ലെന്ന് ചരിത്രം പറയുന്നു.
ഒടുവിൽ ഗവർണറുടെ ഉത്തരവ് പ്രകാരം എ.ഡി. 304 ഏപ്രിൽ 3-ന് ഐറിൻ രക്തസാക്ഷിയായി. അമ്പെയ്താണ് അവളെ കൊലപ്പെടുത്തിയതെന്ന് കരുതപ്പെടുന്നു. മരണസമയത്തും തന്റെ വിശ്വാസത്തെ തള്ളിപ്പറയാൻ അവൾ തയ്യാറായിരുന്നില്ല.