1. മറിയം എന്ന വാക്കിന്‍റെ അര്‍ത്ഥം?
കയ്പ്, ദുഃഖം, നിര്‍ബന്ധ ബുദ്ധിയായ സ്ത്രീ, രാജകുമാരി, നാഥ, സമുദ്രതാരം, സൗന്ദര്യം തുടങ്ങിയവ

2. മറിയത്തിന്‍റെ മാതാപിതാക്കള്‍?
യൊവാക്കിം, അന്ന

3. മറിയം ജനിച്ച സ്ഥലം, കാലഘട്ടം?
നസ്രത്തില്‍, ബിസി 22-ല്‍ (യേശുവിന്‍റെ ജനനം ബിസി 6 എന്ന കണക്കനുസരിച്ച്)

4. മറിയം ഏത് ഗോത്രത്തില്‍പ്പെട്ടവളായിരുന്നു?
യൂദാഗോത്രം

5. മറിയത്തിന്‍റെ സ്തോത്ര ഗീതം രേഖപ്പെടുത്തിയിരിക്കുന്ന സുവിശേഷം?
വി. ലൂക്കാ (1:46-55)

6. 'മേരിയുടെ രാജ്യം' എന്നറിയപ്പെടുന്ന രാജ്യം?
പോര്‍ച്ചുഗല്‍

7. യേശുവിന്‍റെ മൃതദേഹം മടിയില്‍ കിടത്തിയിരിക്കുന്ന മാതാവിന്‍റെ പ്രസിദ്ധമായ മാര്‍ബിള്‍ശില്പം 'പിയേത്താ'യ്ക്ക് രൂപം കൊടുത്ത വ്യക്തി? സൂ ക്ഷിച്ചിരിക്കുന്ന സ്ഥലം?
മൈക്കിള്‍ ആഞ്ചലോ; സെ. പീറ്റേഴ്സ് ബസിലിക്ക, റോം. (പിയത്ത എന്ന പദത്തിന് വിശ്വസ്തത എന്നര്‍ത്ഥം).

8. പരി. കന്യകാമറിയത്തെ ഉഷഃകാല നക്ഷത്രം എന്ന് ആദ്യമായി വിശേഷിപ്പിച്ച വിശുദ്ധന്‍?
വി. പീറ്റര്‍ ഡാമിയന്‍ (1007-1072)

9. മരിയഭക്തി ആസ്പദമാക്കി പോള്‍ ആറാമന്‍ മാര്‍പ്പാപ്പ പുറപ്പെടുവിച്ച അപ്പസ്തോലികലേഖനം?
മരിയാലിസ് കുള്‍ത്തൂസ് (Marilis Cultus) 1974

10. മറിയം അമലോത്ഭവയാ ണെന്ന് ആദ്യമായി പഠിപ്പിച്ച സഭാപിതാവാര്?
വി. എഫ്രേം. (St. Ephrem the Syrian  306-373)

11. മാതാവിനെ ഒരിക്കലും മറിയം എന്ന പേര് വിളിക്കാതെ യേശുവിന്‍റെ അമ്മ എന്ന് എപ്പോഴും വിളിച്ചിരുന്ന സുവിശേഷകന്‍?
യോഹന്നാന്‍

12. കുടുംബ കൊന്ത നമസ്കാരത്തിന്‍റെ സ്ഥാപകന്‍?
ഫാ. പാട്രിക് പെയ്റ്റണ്‍ (1909-1992)