കോഴിക്കോട്: കെസിബിസി പ്രോ-ലൈഫ് സമിതിയുടെ ആഭിമുഖ്യത്തില്‍ കാരുണ്യ വര്‍ഷാചരണത്തിന്‍റെ ഭാഗമായി ജീവകാരുണ്യ പ്രവര്‍ത്തനങ്ങള്‍ നടത്തുന്ന സ്ഥാപനങ്ങളെയും സാമൂഹ്യ പ്രവര്‍ത്തകരെയും ആദരിക്കുന്ന "കാരുണ്യ കേരള സന്ദേശയാത്ര" ഫെബ്രുവരി 23-ന് താമരശേരി രൂപതയില്‍ സ്വീകരണം നല്‍കും.
താമരശേരി രൂപതയിലെ 25-ഓളം വരുന്ന ജീവകാരുണ്യ സ്ഥാപനങ്ങളുടെ അധികൃതരെ ചടങ്ങില്‍ ആദരിക്കും. മേരിക്കുന്ന് പിഎംഒസിയില്‍ നടക്കുന്ന സ്വീകരണ പരിപാടി താമരശേരി രൂപത ബിഷപ് മാര്‍ റെമീ ജിയോസ് ഇഞ്ചനാനിയില്‍ ഉദ്ഘാടനം ചെയ്യും. കെസിബിസി പ്രോ-ലൈഫ് സെക്രട്ടറി ഫാ. പോള്‍ മാടശേരി, പ്രസിഡന്‍റ് ജോര്‍ജ് എഫ്. സേവ്യര്‍, ജനറല്‍ സെക്രട്ടറി സാബു ജോസ് എന്നിവരും മറ്റ് വിശിഷ്ടാതിഥികളും പങ്കെടുക്കുമെന്ന് താമരശേരി രൂപത ഫാമിലി അപ്പോസ്തോലേറ്റ് ഡയറക്ടര്‍ ഫാ. ജോസ് പെണ്ണാപറമ്പില്‍ അറിയിച്ചു.