വത്തിക്കാന്‍ വിശ്വാസ കാര്യാലയത്തിന്‍റെ പുതിയ സെക്രട്ടറിയായി ഫാ. ജാക്കാമോ മൊറാന്‍ഡിയെ ഫ്രാന്‍സിസ് മാര്‍പാപ്പ നിയമിച്ചു. 2015 മുതല്‍ ഈ കാര്യാലയത്തിലെ സബ് സെക്രട്ടറിയായി പ്രവര്‍ത്തിച്ചു വരികയായിരുന്നു ഈ ഇറ്റാലിയന്‍ വൈദികന്‍. സെക്രട്ടറിയാകുന്നതോടെ ആര്‍ച്ചുബിഷപ്പായും അദ്ദേഹം ഉയര്‍ത്തപ്പെടും. ഇറ്റലിയിലെ മോഡേന-നോനന്തോല അതിരൂപതാ വൈദികനായി 1990-ല്‍ പട്ടമേറ്റ ഫാ. മൊറാന്‍ഡി വികാരി ജനറളായും വിവിധ സെമിനാരികളില്‍ അദ്ധ്യാപകനായും സേവനം ചെയ്തിട്ടുണ്ട്. കാര്യാലയത്തിന്‍റെ സെക്രട്ടറിയായിരുന്ന ആര്‍ച്ചുബിഷപ് ലുയിസ് ലദാരിയ ഫെററിനെ അദ്ധ്യക്ഷനായി നിയമിച്ചതിനെ തുടര്‍ന്നാണ് സെക്രട്ടറി സ്ഥാനം ഒഴിവായത്.