• ജോർജ്ജ് ഫ്രാൻസിസ്, പൂവേലി

കൃത്രിമ സന്താന നിയന്ത്രണം ഭസ്മാസുരന് വരം കൊടുത്തതുപോലെ ആയല്ലോ മനുഷ്യജീവന്റെ അന്തകനായി മാറി ഈ വൈറസ്. നോക്കൂ! കേരളത്തിൽ മരിക്കുന്നിടത്തോളം ആളുകൾ ജനിക്കാൻ ഒരു സ്ത്രീക്ക് 2.1 കുട്ടി ജനിക്കണം. കേരളസഭയിൽ ഇത് 1.3 ആണ്. ഈ കണക്കിന് പോയാൽ 15 വർഷം കൂടി മതി നമ്മുടെ അസ്തിത്വം ശൂന്യതയിൽ ലയിക്കാൻ. എന്തൊരു ഗതികെട്ട കാലം! അതിനാൽ പുതിയ തലമുറ ദമ്പതികൾ 3 കുഞ്ഞുങ്ങളെയെങ്കിലും ജനിപ്പിക്കുക. ഇല്ലായെങ്കിൽ നമ്മുടെ സ്വത്തുക്കളും, പള്ളികളും, സ്ഥാപനങ്ങളും അന്യാധീനപ്പെടും. ഒരു തർക്കവുമില്ല. കുട്ടികളാണല്ലോ യഥാർത്ഥ സമ്പത്ത്.

പോൾ ആറാമൻ പാപ്പയുടെ ‘മനുഷ്യജീവൻ’ വെളിച്ചം കണ്ടപ്പോൾ എല്ലാവരും പുച്ഛിച്ച് തള്ളി; കർദ്ദിനാൾമാർ പോലും പിന്തിരിപ്പൻ എന്ന് ആർത്തട്ടഹസിച്ചു; ദൈവജനം അതിനെ ചവറ്റുകുട്ടയിൽ ഇട്ടു.

കാലം മാറി വന്നപ്പോൾ സ്വർഗ്ഗത്തിലിരുന്ന് അമ്പരപ്പിക്കുന്ന ഈ കാഴ്ച കണ്ട് പാപ്പ പൊട്ടി പൊട്ടിച്ചിരിക്കുന്നുണ്ടാവും. സ്വത്തുക്കൾ കൈവിട്ടുപോകുമ്പോൾ കൂടുതൽ മക്കളെ സൃഷ്ടിക്കാത്തതിൽ പ്രായം ചെന്ന തലമുറ അലമുറയിട്ട് കരയുന്നുമുണ്ട്. ശരിയല്ലേ?