ആന്‍റണി ജോസഫ്, താമരച്ചാല്‍
അപ്പം മുറിക്കല്‍ ശുശ്രൂഷ പള്ളികളിലും ഭവനങ്ങളിലും തുടര്‍ന്നു കൊണ്ട് പോകണം. യേശുവിന്‍റെ അന്ത്യ അത്താഴവേളയെ സ്മരിച്ചു കൊണ്ട് പെസഹാ വ്യാഴാഴ്ച സായാഹ്നത്തില്‍ പള്ളികളില്‍ അപ്പം മുറിക്കല്‍ കര്‍മ്മം നടത്തി വരുന്ന നല്ലൊരു പതിവ് നമുക്കുണ്ട്; തുടര്‍ന്ന് നമ്മുടെ ഭവനങ്ങളിലും. ഇത് നമ്മുടെ ഇടവകയിലെ എല്ലാവരെയും ഐക്യത്തില്‍ നില നിര്‍ത്തുന്നതിനു വളരെ നല്ലതാണ്. ഈ ആചാരം പള്ളികളില്‍ നിന്ന് ഒഴിവാക്കി വീടുകളില്‍ മാത്രമാക്കിയാല്‍ മറ്റ് പല ആചാരങ്ങളെയും പോലെ ഇതും കാലഹരണപ്പെട്ടു പോകും. അതുകൊണ്ട് പതിവ് പോലെ പള്ളികളിലും ഭവനങ്ങളിലും അപ്പം മുറിക്കല്‍ ശുശ്രൂഷ തുടര്‍ന്നുകൊണ്ട് പോകണം.