ഫാ. ഡോ. അഗസ്റ്റിൻ പാംപ്ലാനി CST

മൊഴിമാറ്റം : ടോം

ഹായ് ഫ്രണ്ട്‌സ്, ഒരു സംഭവം കേൾക്കണോ?

50 വർഷത്തിലേറെയായി "ദൈവമില്ല, ദൈവമേ ഇല്ല!" എന്ന് ലോകത്തോട് തറപ്പിച്ചു പറഞ്ഞിരുന്ന ഒരാൾ... നിരീശ്വരവാദികളുടെ ലോകത്തെ ഒരു സൂപ്പർസ്റ്റാർ എന്ന് തന്നെ പറയാം.

ആളുടെ പേരാണ് ആന്റണി ഫ്ലൂ (Antony Flew), ഒരു ബ്രിട്ടീഷ് ഫിലോസഫറാണ്.

എന്നാൽ, തന്റെ 81-ാം വയസ്സിൽ അദ്ദേഹം എല്ലാവരെയും ഞെട്ടിച്ചുകൊണ്ട് ആ നിലപാട് മാറ്റി!

"ഈ പ്രപഞ്ചം ഉണ്ടാകാൻ ഒരു ബുദ്ധിപരമായ ശക്തിയുടെ ഇടപെടൽ ഉണ്ടായിരിക്കാം," അതായത്, ഒരു ദൈവം ഒരുപക്ഷേ ഉണ്ടാകാം എന്ന് അദ്ദേഹം ഇപ്പോൾ സമ്മതിക്കുന്നു.

എന്താണ് അദ്ദേഹത്തെ ഇങ്ങനെ മാറ്റി ചിന്തിപ്പിച്ചത് എന്നല്ലേ? വല്ല സ്വപ്നം കണ്ടതോ അദ്ഭുതങ്ങൾ നടന്നതോ ഒന്നുമല്ല, കാരണം സയൻസ് തന്നെയാണ്! "ശാസ്ത്രം ദൈവത്തെ കണ്ടെത്തിയോ?"

(Has Science Discovered God?) എന്ന ഒരു വീഡിയോയിൽ അദ്ദേഹം പറയുന്ന കാര്യങ്ങൾ ശരിക്കും ഇൻട്രസ്റ്റിംഗ് ആണ്.

DNA എന്ന അത്ഭുതം!

പ്രൊഫസർ ഫ്ലൂവിനെ മാറ്റി ചിന്തിപ്പിച്ചത് DNA-യെക്കുറിച്ചുള്ള പുതിയ കണ്ടെത്തലുകളാണ്. അദ്ദേഹം പറയുന്നത് ഇങ്ങനെയാണ്: "ജീവനുണ്ടാകാൻ ആവശ്യമായ ക്രമീകരണങ്ങളുടെ അവിശ്വസനീയമായ സങ്കീർണ്ണത കാണുമ്പോൾ, ഇതിന് പിന്നിൽ ഒരു 'ഇന്റലിജൻസ്' (Intelligence) അഥവാ ഒരു ബുദ്ധികേന്ദ്രം പ്രവർത്തിച്ചേ മതിയാകൂ എന്ന് വ്യക്തമാണ്."

സിമ്പിളായി പറഞ്ഞാൽ, ഒരു ചെറിയ ജീവകോശം പ്രവർത്തിക്കുന്നത് പോലും ഒരു വലിയ ഫാക്ടറി പ്രവർത്തിക്കുന്നതിനേക്കാൾ കോംപ്ലിക്കേറ്റഡ് ആണ്. അങ്ങനെയൊന്ന് യാദൃശ്ചികമായി, തനിയെ ഉണ്ടായി എന്ന് വിശ്വസിക്കാൻ പറ്റുന്നില്ലെന്നാണ് അദ്ദേഹം പറയുന്നത്.

പരിണാമസിദ്ധാന്തവും ജീവിതത്തിന്റെ തുടക്കവും...

ഫ്ലൂ ഡാർവിന്റെ പരിണാമസിദ്ധാന്തത്തെ പൂർണ്ണമായി തള്ളിക്കളയുന്നില്ല. പക്ഷേ, ആ തിയറിക്ക് ഒരു ചോദ്യത്തിന് ഉത്തരമില്ലെന്ന് അദ്ദേഹം പറയുന്നു: "ഈ ഭൂമിയിൽ ആദ്യത്തെ ജീവൻ എങ്ങനെ ഉണ്ടായി?" വെറും രാസവസ്തുക്കൾ കൂടിച്ചേർന്ന് ഒരു ജീവനുള്ള കോശം ഉണ്ടാകുന്നത് അത്ര എളുപ്പമല്ല. "ആദ്യത്തെ ജീവനുണ്ടാകുന്നതിനെക്കുറിച്ച് ഒരു സ്വാഭാവിക വിശദീകരണം നൽകുന്നത് ഇപ്പോൾ വളരെ ബുദ്ധിമുട്ടാണ്," എന്ന് അദ്ദേഹം സമ്മതിക്കുന്നു.

തെളിവ് എവിടെയാണോ, ഞാൻ അവിടെയുണ്ട്!...

ആന്റണി ഫ്ലൂവിന്റെ ജീവിതത്തിലെ ഏറ്റവും വലിയ മോട്ടോ ഇതായിരുന്നു:

"തെളിവുകൾ നിങ്ങളെ എവിടേക്ക് കൊണ്ടുപോകുന്നുവോ, അതിനെ പിന്തുടരുക."

(Follow the evidence, wherever it leads).

ഒരു കാലത്ത് ദൈവമില്ലായ്മക്ക് തെളിവുകൾ അന്വേഷിച്ചു നടന്ന അദ്ദേഹം, പുതിയ ശാസ്ത്രീയ തെളിവുകളെ പിന്തുടർന്നപ്പോൾ ഇപ്പോൾ എത്തിച്ചേർന്നത് ഒരു 'പരമോന്നത യാഥാർത്ഥ്യ'ത്തിലാണ് (Supreme Reality). ആ യാഥാർത്ഥ്യത്തെയാണ് നമ്മളിൽ പലരും 'ദൈവം' എന്ന് വിളിക്കുന്നത്!

അപ്പോൾ, ശാസ്ത്രം ചിലപ്പോൾ നമ്മളെ ദൈവത്തിലേക്ക് തന്നെയായിരിക്കാം നയിക്കുന്നത്, അല്ലേ?