അന്നീദ:
അകന്നുപോയി എന്നാണിതിനര്‍ഥം. മരിച്ചവര്‍ക്കുവേണ്ടി വൈദികര്‍ നടത്തുന്ന വളരെ ഹ്രസ്വമായ ഒരു പ്രാര്‍ഥനയാണ് അന്നീദ.
ഒപ്പീസ്:
അന്നീദ പ്രാര്‍ഥനയുടെ വിപുലീകരിച്ച രൂപമായി ഇതിനെ കാണാം. ഒരു ദൈവീക ശുശ്രൂഷയെന്നാണ് ഒപ്പീസ് അര്‍ഥമാക്കുന്നത്.
നാളോത്ത്:
മരണം സംഭവിച്ചയാളിന്റെ ഭവനത്തില്‍ മൃതസംസ്‌കാരത്തിനുശേഷം നടത്തുന്ന പ്രാര്‍ഥനയാണ്.
പുലയടിയന്തിരം:
പരേതര്‍ക്കുവേണ്ടി ആചാരക്രമമനുസരിച്ചു നടത്തുന്ന ഒരു ഓര്‍മ്മദിനമാണിത്. അശുദ്ധി നീക്കി നോമ്പു മുറിക്കുന്ന പ്രക്രിയയാണിത്. ഏഴ് അല്ലെങ്കില്‍ നാല്പത്തിയൊന്നിനോടുകൂടി പള്ളിയിലും വിട്ടിലുമായി നടത്തുന്ന ചെറിയ പ്രാര്‍ഥനാ ശുശ്രൂഷയാണിത്. അന്നേദിനം പ്രത്യേക പ്രാര്‍ഥനകളും തുടര്‍ന്ന് ഭക്ഷണവും നല്കുന്നു.
ചാത്തം / ശ്രാദ്ധം:
പരേതയുടെ / പരേതന്റെ മരണവാര്‍ഷികമാണ് ആണ്ടു ശ്രാദ്ധമായി കൊണ്ടാടുന്നത്.