എന്റെ കൊച്ചു ‘ഏദൻ തോട്ടം’

ഈ അവധിക്കാലത്ത് വീട്ടുമുറ്റത്തോ ചട്ടികളിലോ ഒരു ചെടി നട്ടുപിടിപ്പിക്കൂ. ഓരോ ദിവസവും ആ ചെടി വളരുന്നത് കാണുമ്പോൾ ദൈവത്തിന്റെ സൃഷ്ടി വൈഭവത്തെ നമുക്ക് സ്തുതിക്കാം. സോളമൻ രാജാവിന്റെ ജ്ഞാനത്തെക്കുറിച്ചും അവൻ പ്രകൃതിയെ സ്നേഹിച്ചതിനെക്കുറിച്ചും ചിന്തിക്കാം.

‘താലന്തുകൾ’ പൊടിതട്ടിയെടുക്കാം!

📌 ചിത്രരചന (Drawing) : ബൈബിളിലെ പ്രകൃതി വർണ്ണനകൾ ചിത്രങ്ങളാക്കാം.

📌 പാട്ട് പാടാം (Singing): പുതിയ സങ്കീർത്തനങ്ങൾ ഈണത്തിൽ പാടി ശീലിക്കാം.

📌 അഭിനയം (Acting): കുടുംബാംഗങ്ങൾക്കൊപ്പം ചേർന്ന് ബൈബിൾ സ്‌കിറ്റ് വീട്ടുമുറ്റത്ത് അവതരിപ്പിക്കാം.

📌 കൈപ്പുണ്യം (Cooking & Sharing): ബൈബിളിൽ പറയുന്ന ഭക്ഷണസാധനങ്ങൾ (ഉദാഹരണത്തിന്: ഈന്തപ്പഴം, ഗോതമ്പ് കേക്ക്, തേൻ) ഉപയോഗിച്ച് വീട്ടിലെ മുതിർന്നവരുടെ സഹായത്തോടെ ലളിതമായ വിഭവങ്ങൾ ഉണ്ടാക്കാൻ ശ്രമിക്കാം. അത് അയൽപക്കത്തെ കൂട്ടുകാർക്ക് പങ്കുവെക്കുകയും ചെയ്യാം.

📌 കുട്ടി പ്രസംഗകൻ (Story Telling): ബൈബിളിലെ രസകരമായ കഥകൾ സ്വന്തം ശൈലിയിൽ അവതരിപ്പിക്കാൻ ശീലിക്കാം. ഇത് വീഡിയോ ആയി റെക്കോർഡ് ചെയ്ത് വീട്ടുകാർക്ക് കാണിച്ചു കൊടുക്കുന്നത് ആത്മവിശ്വാസം വർദ്ധിപ്പിക്കും.

📌 ബൈബിൾ ക്രാഫ്റ്റ് (Craft Work): പാഴ് വസ്തുക്കൾ ഉപയോഗിച്ച് ബൈബിൾ പശ്ചാത്തലത്തിലുള്ള മോഡലുകൾ നിർമ്മിക്കാം. ഉദാഹരണത്തിന്, ഐസ്ക്രീം സ്റ്റിക് ഉപയോഗിച്ച് ‘നോഹയുടെ പെട്ടകം’ അല്ലെങ്കിൽ കടലാസ് കൊണ്ട് ‘ദാവീദിന്റെ കിരീടം’ എന്നിവ ഉണ്ടാക്കാം.

📌 എഴുത്തുപുര (Writing): ബൈബിളിലെ ഏതെങ്കിലും ഒരു കഥാപാത്രം നമുക്ക് കത്തെഴുതുകയാണെങ്കിൽ അത് എങ്ങനെയിരിക്കും? അല്ലെങ്കിൽ യേശുവിന് ഒരു കത്തെഴുതിയാലോ?

📌 പ്രകൃതി നിരീക്ഷണം (Nature Photography/Journaling): “ആകാശത്തിലെ പക്ഷികളെ നോക്കുവിൻ...” എന്ന വചനം ഓർമ്മയില്ലേ? വീടിനു ചുറ്റുമുള്ള പക്ഷികളെയും പൂക്കളെയും നിരീക്ഷിക്കാനും അവയെക്കുറിച്ച് ഒരു കൊച്ചു ഡയറി തയ്യാറാക്കാനും ശ്രമിക്കാം.

ബൈബിൾ ചലഞ്ച്

​ഓരോ ദിവസവും ബൈബിളിലെ ഓരോ കൊച്ചു കഥകൾ വായിക്കാം. വായനയ്ക്കുശേഷം ആ കഥയിലെ ഗുണപാഠം നിങ്ങളുടെ ജീവിതത്തിൽ എവിടെ പ്രയോഗിക്കാം എന്ന് ആലോചിക്കൂ.

​ഉദാഹരണത്തിന്: ദാവീദിന്റെ കഥ വായിക്കുന്ന ദിവസം ‘ധൈര്യം’ ശീലിക്കാം. സമരിയാക്കാരന്റെ കഥ വായിക്കുമ്പോൾ ഒരാളെ സഹായിക്കാം.

നന്മയുടെ വിത്തുകൾ പാകാം (Social Services)

📌 ​അവധിക്കാലത്ത് നമുക്ക് ചുറ്റുമുള്ളവരിലേക്ക് യേശുവിന്റെ സ്നേഹം എത്തിക്കാം.

📌 ​പഴയ പുസ്തകങ്ങളും കളിപ്പാട്ടങ്ങളും വൃത്തിയാക്കി ആവശ്യമുള്ള കുട്ടികൾക്ക് നൽകാം.

📌 ​മുതിർന്നവർക്ക് ബൈബിൾ വായിച്ചു കേൾപ്പിക്കാം.

📌 ​പക്ഷികൾക്കും മൃഗങ്ങൾക്കും കുടിക്കാൻ വെള്ളം പാത്രങ്ങളിൽ കരുതിവയ്ക്കാം.

ഒരു അവധിക്കാല പ്രാർത്ഥന

എൻ്റെ ഈശോയേ,

ഈ മനോഹരമായ അവധിക്കാലം ഞങ്ങൾക്ക് സമ്മാനമായി നൽകിയതിന് നന്ദി പറയുന്നു.

ഓടിക്കളിക്കുമ്പോഴും ചിരിച്ചുല്ലസിക്കുമ്പോഴും എന്റെ കുഞ്ഞു കൂട്ടുകാരനായി അങ്ങും കൂടെയുണ്ടാകണമേ.

പുതിയ കാര്യങ്ങൾ പഠിക്കാനും, മറ്റുള്ളവരെ സ്നേഹിക്കാനും, പ്രകൃതിയെ സംരക്ഷിക്കാനും എന്നെ പഠിപ്പിക്കണമേ.

അങ്ങയുടെ തണലിൽ സന്തോഷത്തോടെയും സുരക്ഷിതനായും ഈ അവധിദിവസങ്ങൾ ചിലവഴിക്കാൻ എന്നെ അനുഗ്രഹിക്കണമേ.

ആമേൻ.