• തെരേസ മേരി പി. ജോമി

  അരിംമ്പൂൽ പുത്തൻപറമ്പ്

  +2 വിദ്യാർത്ഥിനി

  സെന്റ് മേരീസ് ഫൊറോന പള്ളി, മുട്ടം

* AI മനുഷ്യൻ സൃഷ്ടിച്ചതാണ്, മനുഷ്യൻ ദൈവസൃഷ്ടിയാണ്. ഇതാണ് അടിസ്ഥാന വ്യത്യാസം. മനുഷ്യന് ശരീരമുണ്ട്, മനസ്സുണ്ട്, ആത്മാവുണ്ട്. എന്നാൽ AI-ക്ക് ശരീരമില്ല, ആത്മാവില്ല, ദൈവബന്ധവുമില്ല. AI സംസാരിക്കും, AI ചിന്തിക്കുന്നതുപോലെ തോന്നും, പക്ഷേ AI ഒരിക്കലും പ്രാർത്ഥിക്കില്ല.

* ദൈവം മനുഷ്യന് ജീവശ്വാസം നൽകി, ആ ജീവശ്വാസമാണ് മനുഷ്യന്റെ ആത്മാവ്. ആ ആത്മാവാണ് മനുഷ്യനെ യന്ത്രങ്ങളിൽ നിന്ന് വേർതിരിക്കുന്നത്.

* AI-ക്ക് വിവരങ്ങളും കണക്കുകളും കൈകാര്യം ചെയ്യാനുള്ള അറിവുണ്ട് (Knowledge). എന്നാൽ മനുഷ്യന് ദൈവഭയത്തിൽ അധിഷ്ഠിതമായ ജ്ഞാനം (Wisdom) ആവശ്യമാണ്. അറിവ് നമ്മെ ബുദ്ധിമാന്മാരാക്കു മ്പോൾ ജ്ഞാനം നമ്മെ നീതിമാന്മാരാക്കുന്നു. അതുകൊണ്ടാണ് മനുഷ്യന് വിവേചന ബുദ്ധി അനിവാര്യമാകുന്നത്.

* AI കാര്യക്ഷമത നോക്കും, മനുഷ്യൻ നീതിയും മൂല്യവും നോക്കും. ഇതാണ് വിവേചന ബുദ്ധി. നീതിയില്ലാത്ത സാങ്കേതിക വിദ്യ മനുഷ്യന് തന്നെ ഭീഷണിയാകാം.

* AI യും യന്ത്രങ്ങളും തീരുമാനങ്ങൾ എടുക്കുമ്പോൾ അതിന്റെ ഫലങ്ങളുടെ ഉത്തരവാദിത്തം മനുഷ്യനാണ്. ഓരോ മനുഷ്യനും തന്റെ പ്രവർത്തികൾക്ക് ദൈവത്തോട് കണക്ക് പറയേണ്ടതുണ്ട്.

* സ്നേഹിക്കുക എന്നത് യന്ത്രങ്ങൾക്ക് കഴിയാത്ത ദൈവഗുണമാണ്. AI സംസാരിക്കും,.സഹായിക്കും, പക്ഷേ, സ്നേഹിക്കില്ല. സ്നേഹം കേവലം കണക്കുകൂട്ടലല്ല, മറിച്ച് ത്യാഗമാണ്. മനുഷ്യൻ ദൈവത്തിന്റെ പ്രതിരൂപമായാൽ സ്നേഹിക്കാൻ കഴിയുന്നവനാണ്.

* ആത്മാവില്ലാത്ത പുരോഗതി അപകടകരമാണ്. ലോകം മുഴുവൻ നേടിയാലും സ്വന്തം ആത്മാവ് നഷ്ടപ്പെട്ടാൽ മനുഷ്യന് എന്ത് പ്രയോജനമെന്ന് ബൈബിൾ ഓർമ്മിപ്പിക്കുന്നു. AI ജീവിതത്തെ വിജയത്തിലേക്ക് നയിക്കാം, പക്ഷേ ആത്മാവ് നഷ്ടപ്പെട്ടാൽ ആ വിജയം ശൂന്യമായിരിക്കും.

* സാങ്കേതികവിദ്യ മനുഷ്യനെ നിയന്ത്രിക്കാൻ അനുവദിക്കരുത്. പകരം, മനുഷ്യന്റെ ആത്മീയ മൂല്യങ്ങളായിരിക്കണം സാങ്കേതികവിദ്യയെ നയിക്കേണ്ടത്.

* AI വളരുന്ന ഈ കാലത്ത് മനുഷ്യന്റെ ആത്മാവും വിവേചന ബുദ്ധിയും പ്രസക്തി നഷ്ടപ്പെട്ടിട്ടില്ല, മറിച്ച് കൂടുതൽ ഉത്തരവാദിത്തവും ദൗത്യവും മനുഷ്യന് ലഭിച്ചിരിക്കുന്നുവെന്ന് ചുരുക്കം.