>>> മറിയത്തിന്‍റെ വിമലഹൃദയമേ, ദൈവഹിതത്തിനു വിപരീതമായി ഒന്നും സംഭവിക്കാതിരിക്കാന്‍ എന്‍റെ ആത്മാവിനെ സഹായിക്കണമേ.
>>> എല്ലാ സ്വര്‍ഗീയകൃപകളുടെയും മദ്ധ്യസ്ഥേ, ഓ പരി. കന്യകയേ, എന്‍റെ ഹൃദയത്തിനുള്ളില്‍ വസിക്കേണമേ.
>>> എന്‍റെ അമ്മേ, എന്‍റെ ഹൃദയത്തെ നിന്‍റേതാക്കി രൂപാന്തരപ്പെടുത്തേണമേ.
>>> എന്‍റെ മറിയമേ, എന്‍റെ അമ്മേ, എന്‍റെ അഭയമേ, ഒരു ഏകാന്തമായ ഹൃദയം നേടിയെടുക്കാനുള്ള കൃപ തരേണമേ.
>>> എന്‍റെ മാതാവേ, ഞാന്‍ എന്നെത്തന്നെ ഉപേക്ഷിക്കുന്നു. എന്നെ നിനക്കു ഞാന്‍ സമര്‍പ്പിക്കുന്നു.
>>> ഓ മറിയമേ, പാപികളുടെ സങ്കേതമേ, കരുണ നിറഞ്ഞ മാതാവേ, ഏറ്റം വിവേകമതിയായ കന്യകയേ അവിടുത്തെ ദിവ്യപുത്രനായ ഈശോയോടു പാപികളായ ഞങ്ങള്‍ക്കുവേണ്ടി പ്രാര്‍ത്ഥിക്കണമേ.
>>> ജന്മപാപം ഇല്ലാതെ ജനിച്ച പരിശുദ്ധ രാജ്ഞീ, ഞങ്ങള്‍ക്കുവേണ്ടി അപേക്ഷിക്കേണമേ.