ഡോ. ജോര്ജ് ഇരുമ്പയം
വചനം നമുക്കായി
-ട്ടേശുവായ് പിറക്കവേ,*
ഭുവനം സ്വര്ഗാത്മക
ഭവനം സ്വപ്നം കണ്ടൂ.
എങ്കിലോ ലോകം ദൈവ-
പുത്രനെയറിഞ്ഞില,*
അവനെ തകര്ക്കുവാ
നില്ലായ്മ ചെയ്വാനല്ലോ
യൂദവേഷത്തില് സാത്താന്
കെണികള് തേടിപ്പോയി-
അവനെ ക്രൂശിച്ചവര്
വിജയം പ്രഘോഷിച്ചു!
അവനോ കുരിശിനാല്
വിജയം നേടിത്തന്നു!
ദുഃഖവും കുരിശുമാ-
ണുത്തമം സനാതനം
കുരിശേ നമോവാകം
വിജയം വരിച്ചാലും.
* വചനം മാംസമായി നമ്മുടെ ഇടയില് വസിച്ചു. യോഹന്നാന് 1:14 (ബൈബിള്)
* വചനം ദൈവത്തോടു കൂടിയായിരുന്നു. വചനം ദൈവമായിരുന്നു. യോഹ. 1:1