കൊച്ചി: ലോക മാധ്യമ ദിനത്തോടനുബന്ധിച്ച് ഫ്രാന്‍സിസ് പാപ്പയുടെ മാധ്യമ സന്ദേശം 'ഹൃദയം കൊണ്ട് കേള്‍ക്കുക ' ചാക്യാര്‍കൂത്ത് രൂപത്തില്‍ അവതരിപ്പിക്കും. കെ.സി.ബി.സി മീഡിയ കമ്മീഷന്റെ നേതൃത്വത്തില്‍ ജൂണ്‍ നാലിന് വൈകുന്നേരം മൂന്ന് മണിക്ക് പാലാരിവട്ടം പി.ഓ.സിയില്‍ വച്ചായിരിക്കും ചാക്യാര്‍കൂത്ത് നടക്കുക. കേരളത്തിലെ തന്നെ ഏക ക്രൈസ്തവ ചാക്യാരായ ഡോ. ജാക്സണ്‍ തോട്ടുങ്കലാണ് ചാക്യാര്‍കൂത്ത് നടത്തുന്നത്. പരിപാടി കെസിബിസി ഡെപ്യൂട്ടി സെക്രട്ടറി ജനറല്‍ ഫാ. ജേക്കബ് ജി പാലയ്ക്കാപ്പിള്ളി ഉദ്ഘാടനം ചെയ്യും. പ്രവേശനം സൗജ്യന്യമായിരിക്കുമെന്ന് കെസിബിസി മീഡിയ കമ്മീഷന്‍ സെക്രട്ടറി ഫാ. ഡോ. ഏബ്രാഹം ഇരിമ്പിനിക്കല്‍ അറിയിച്ചു.