ഡൊമിനിക്കന്‍ സന്യാസികള്‍ എന്നറിയപ്പെടുന്ന ഓര്‍ഡര്‍ ഓഫ് പ്രീച്ചേഴ്സ് എന്ന പ്രസിദ്ധമായ അന്താരാഷ്ട്ര സന്യാസസമൂഹത്തിന്‍റെ 88-ാമത് മേധാവിയായി ഫിലിപ്പൈന്‍സ് സ്വദേശിയായ ഫാ. ജെരാര്‍ദ് ഫ്രാന്‍സിസ്കോ ടിമോണര്‍ തിരഞ്ഞെടുക്കപ്പെട്ടു. ഈ പദവിയിലെത്തുന്ന ആദ്യത്തെ ഏഷ്യക്കാരനാണ് 51 കാരനായ അദ്ദേഹം. 1995-ലാണ് അദ്ദേഹം വൈദികപട്ടം സ്വീകരിച്ചത്. 2014-ല്‍ ഫ്രാന്‍സിസ് മാര്‍പാപ്പ അദ്ദേഹത്തെ അന്താരാഷ്ട്ര ദൈവശാസ്ത്ര കമ്മീഷനില്‍ അംഗമായി നിയമിച്ചു. സ്പെയിന്‍ സ്വദേശിയായ വി. ഡൊമിനിക് പതിമൂന്നാം നൂറ്റാണ്ടില്‍ ഫ്രാന്‍സില്‍ സ്ഥാപിച്ച സന്യാസസമൂഹമാണ് ഓര്‍ഡര്‍ ഓഫ് പ്രീച്ചേഴ്സ്.