എത്രാം ദിവസം ഗലീലിയിലെ കാനായില്‍ ഒരു വിവാഹവിരുന്നു നടന്നു എന്നാണ് യോഹ 2-ാം അധ്യായം 1-ല്‍ പറയുന്നത്?

- 3-ാം ദിവസം (2:1)

യോഹ 2:1 അനുസരിച്ച് വിവാഹവീട്ടില്‍ ആരുണ്ടായിരുന്നു?

- യേശുവിന്റെ അമ്മ (2:1)

ആരെല്ലാം വിരുന്നിനു ക്ഷണിക്കപ്പെട്ടിരുന്നു?

- യേശുവും ശിഷ്യന്മാരും (2:2)

വിവാഹ വീട്ടില്‍ എന്തു സംഭവിച്ചതായിട്ടാണ് യോഹ 2:3-ല്‍ പറയുന്നത്?

- വീഞ്ഞു തീര്‍ന്നുപോയി (2:3)

വീഞ്ഞു തീര്‍ന്നുപോയപ്പോള്‍ യേശുവിന്റെ അമ്മ യേശുവിനോട് എന്തു പറഞ്ഞു?

- അവര്‍ക്കു വീഞ്ഞില്ല (2:3)

അവര്‍ക്കു വീഞ്ഞില്ല എന്നുപറഞ്ഞ അമ്മയോട് യേശുവിന്റെ മറുപടി എന്തായിരുന്നു?

- സ്ത്രീയേ, എനിക്കും നിനക്കും എന്ത്? എന്റെ സമയം ഇനിയും ആയിട്ടില്ല (2:4)

സമയം ആയിട്ടില്ല എന്ന മറുപടി കേട്ട യേശുവിന്റെ അമ്മ പരിചാരകരോട് എന്തുപറഞ്ഞു?

- അവന്‍ നിങ്ങളോടു പറയുന്നതു ചെയ്യുവിന്‍ (2:5)

എത്ര കല്‍ഭരണികള്‍ അവിടെ - വിവാഹവീട്ടില്‍ ഉണ്ടായിരുന്നു?

- ആറ് കല്‍ഭരണികള്‍ (2:6)

എന്തിനുപയോഗിച്ചിരുന്ന കല്‍ഭരണികളായിരുന്നു അവ?

- യഹൂദരുടെ ശുദ്ധീകരണ കര്‍മ്മത്തിനുള്ള വെള്ളം നിറയ്ക്കുന്നവ (2:6)

ഓരോ ഭരണിയിലും എത്ര അളവ് കൊള്ളുമായിരുന്നു?

- ഓരോന്നിലും രണ്ടോ മൂന്നോ അളവു കൊള്ളുമായിരുന്നു (2:6)

യോഹ 2:7-ല്‍ യേശു എന്താണ് കല്‍പിക്കുന്നത്?

- ഭരണികളില്‍ വെള്ളം നിറയ്ക്കുവിന്‍ (2:7)

പരിചാരകര്‍ എത്രത്തോളം വെള്ളം നിറച്ചു?

- വക്കോളം നിറച്ചു (2:7)

ഇനി പകര്‍ന്ന് എവിടെ കൊണ്ടുചെല്ലുവിന്‍ എന്നാണ് യേശു പരിചാരകരോട് പറയുന്നത്?

- കലവറക്കാരന്റെ അടുത്തുകൊണ്ടുചെല്ലുവിന്‍ (2:8)

ആരാണ് വീഞ്ഞായി മാറിയ വെള്ളം ആദ്യം രുചിച്ചുനോക്കിയത്?

- കലവറക്കാരന്‍ (2:9)

വീഞ്ഞായി മാറിയത് വെള്ളമാണെന്ന് ആര് അറിഞ്ഞില്ല എന്നാണ് പറയുന്നത്, ആര് അറിഞ്ഞു?

- കലവറക്കാരന്‍ അറിഞ്ഞില്ല. പരിചാരകര്‍ അറിഞ്ഞിരുന്നു (2:9)

എല്ലാവരും മേല്‍ത്തരം വീഞ്ഞ് ആദ്യം വിളമ്പുന്നു, അതിഥി കള്‍ക്ക് ലഹരിപിടിച്ചുകഴിയുമ്പോള്‍ താഴ്ന്നതരവും, എന്നാല്‍ നീ നല്ല വീഞ്ഞ് ഇതുവരെയും സൂക്ഷിച്ചുവച്ചുവല്ലോ. ആര് ആരോടു പറഞ്ഞു?

- കലവറക്കാരന്‍ മണവാളനോട് (2:10)

'കാനാ' എവിടെയാണ്?

- ഗലീലിയില്‍ (2:11)

യേശു തന്റെ മഹത്വം വെളിപ്പെടുത്തുന്നതിനു പ്രവര്‍ത്തിച്ച അടയാളങ്ങളുടെ ആരംഭം എന്ത്?

- ഗലീലിയിലെ കാനായിലെ അദ്ഭുതം (2:11)

കാനായിലെ അദ്ഭുതത്തിലൂടെ ആര് യേശുവില്‍ വിശ്വസിച്ചു എന്നാണ് യോഹ 2:11-ല്‍ പറയുന്നത്?

- അവന്റെ ശിഷ്യന്മാര്‍ (2:11)