കാലടി: ഗുജറാത്തിലെ രാഷ്ട്രീയ രക്ഷ യൂണിവേഴ് സിറ്റിയിൽ നടന്ന നാലാമത് ദേശീയ പഞ്ചഗുസ്തി ചാമ്പ്യൻഷിൽ 60 കിലോ വിഭാഗത്തിൽ (സബ്ജൂനിയർ) ആരോൺ എഡിൻ സ്വർണ്ണ മെഡൽ നേടി.
സുൽത്താൻ ബത്തേരി ടൗൺ ഹാളിൽ നടന്ന 48-ാ മത് കേരള സംസ്ഥാന തല പഞ്ചഗുസ്തി ചാമ്പ്യൻഷിപ്പിൽ 60 കിലോ ( ലെഫ്റ്റ് & റൈറ്റ് ഹാൻഡ്) വിഭാഗത്തിൽ ഇരട്ട ഗോൾഡ് മെഡൽ നേടിയിരുന്നു.
ജില്ലാതലത്തിൽ നടന്ന പഞ്ചഗുസ്തി മത്സരത്തിലും ആരോൺ ഒന്നാം സ്ഥാനം കരസ്ഥമാക്കിയിരുന്നു. ഐ.സി.എസ്.സി സംസ്ഥാന തല സ്ക്കൂൾമീറ്റിൽ ഷോട്ട്പുട്ടിൽ ഒന്നാം സ്ഥാനം നേടിയിട്ടുണ്ട്.
താന്നിപ്പുഴ അനിത വിദ്യാലയത്തിലെ പത്താം ക്ലാസ് വിദ്യാർത്ഥിയാണ്.
കാലടി, നീലീശ്വരം കാളാം പറമ്പിൽ എഡിൻ - സോമി ദമ്പതികളുടെ മകനാണ് ആരോൺ.
അന്ന എഡിൻ സഹോദരിയാണ്.