കൊറോണാ വൈറസ് പകര്ച്ചവ്യാധി സംബന്ധിച്ച ഭീതിയുടെ പശ്ചാത്തലത്തില് കഴിയുന്ന വയോധികര്ക്കും ഏകാന്തവാസം നടത്തുന്നവര്ക്കും വേണ്ടി ഫ്രാന്സിസ് മാര്പാപ്പ പ്രത്യേക പ്രാര്ത്ഥന നടത്തി. നമുക്ക് ജ്ഞാനവും ജീവിതവും ചരിത്രവും നല്കുന്ന മുത്തശ്ശീമുത്തച്ഛന്മാര്ക്ക് കരുത്തു പകരണമെന്നു മാര്പാപ്പ നിര്ദേശിച്ചു. തന്റെ താമസസ്ഥലമായ സാന്താ മാര്ത്തായില് ദിവ്യബലിയര്പ്പിക്കുന്നതിനിടെയാണ് മാര്പാപ്പ വയോധികരേയും ഏകാന്തവാസം നടത്തുന്നവരേയും പ്രത്യേകം പരാമര്ശിച്ചത്. മാര്പാപ്പയുടെ ഈ അനുദിന ദിവ്യബലി ഇന്റര്നെറ്റിലൂടെ തത്സമയ സംപ്രേഷണം ചെയ്യുകയാണിപ്പോള്.