• ഫാ. ജോര്‍ജ് തേലേക്കാട്ട്

ഞാന്‍ ലോകത്തിന്റെ പ്രകാശമാണെന്നാണ് (യോഹ. 8:12) ഈശോ തന്നെ വിശേഷിപ്പിച്ചിരുന്നത്. തന്റെ ചുറ്റുമുള്ളവരിലേക്ക് വെളിച്ചമേകാന്‍ ഈശോ എപ്പോഴും ശ്രദ്ധിച്ചിരുന്നു.

അതുകൊണ്ടായിരിക്കണം ഈശോയുടെ മരണസമയത്ത് ഭൂമി അന്ധകാരത്തില്‍ ആണ്ടുപോയി (മത്താ. 27:45-46) എന്ന് മത്തായി സുവിശേഷകന്‍ രേഖപ്പെടുത്തുന്നത്.

എന്നാല്‍ സഹന വഴികളില്‍ നിന്ന് ക്രിസ്തു ഉയിര്‍ത്തെഴുന്നേല്‍ക്കുമ്പോള്‍ അന്ധകാരത്തിലായിരുന്ന ശിഷ്യന്മാര്‍ പ്രകാശത്തിലേക്ക് വരികയാണ്. ഓരോ ഗുരുവും ചെയ്യുന്നത് ഇതുതന്നെയാണ്.

ഇരുട്ടില്‍ നിന്ന് പ്രകാശത്തിലേക്കുള്ള മാറ്റമാണ് വിദ്യാഭ്യാസമെന്ന് അലന്‍ ബ്ലൂ പറഞ്ഞുവയ്ക്കുമ്പോള്‍, അധ്യാപകരാണ് ആ മാറ്റത്തിന്റെ പിന്നില്‍ എന്ന് നമുക്കറിയാം.

ഓരോ കുട്ടിയെയും അന്ധകാരത്തില്‍ നിന്ന് പ്രകാശത്തിലേക്ക് കൊണ്ടുവരേണ്ടവരാണ് അധ്യാപകര്‍. അതിനുവേണ്ടിയുള്ള അവരുടെ പരിശ്രമങ്ങളാണ് കരണീയമായിട്ടുള്ളത്. ക്രിസ്തുവിനെപ്പോലെ മറ്റുള്ളവര്‍ക്കു വെളിച്ചമായിമാറാന്‍ എല്ലാ അധ്യാപകര്‍ക്കും സാധിക്കണം.