കാര്‍വാര്‍ ബിഷപ് ഡോ. ഡെറിക് ഫെര്‍ണാണ്ടസിനെ ബെല്‍ഗാം മെത്രാനായി ഫ്രാന്‍സിസ് മാര്‍പാപ്പ നിയമിച്ചു. 2018 മേയ് മാസത്തില്‍, ബെല്‍ഗാം മെത്രാനായിരിക്കേ ബാംഗ്ലൂര്‍ ആര്‍ച്ചുബിഷപ്പായി നിയമിക്കപ്പെട്ട ഡോ. പീറ്റര്‍ മച്ചാഡോയ്ക്കു ശേഷം ബെല്‍ഗാമില്‍ മെത്രാനില്ലാത്ത അവസ്ഥയായിരുന്നു. ഈ സാഹചര്യത്തിലാണ് കാര്‍വാറില്‍ നിന്നു ബിഷപ് ഡെറിക് ഫെര്‍ണാണ്ടസിനെ ബെല്‍ഗാമില്‍ നിയമിച്ചിരിക്കുന്നത്. കര്‍ണാടകയിലെ ബെല്‍ഗാം രൂപതാംഗമായ ബിഷപ് ഡെറിക് 1954 ലാണു ജനി ച്ചത്. 1979 മേയ് 5-ന് ബെല്‍ഗാം രൂപതയ്ക്കുവേണ്ടി വൈദികനായി. കാനന്‍ നിയമത്തില്‍ ഡോക്ടറേറ്റുള്ള ഇദ്ദേഹം 2004-2006-ല്‍ ബെല്‍ഗാം രൂപതയുടെ അഡ്മിനിസ്ടേറ്ററായിരുന്നു. 2007 ഫെബ്രുവരി 24-നാണ് കാര്‍വാര്‍ മെത്രാനായി നിയമിക്കപ്പെട്ടത്.