കത്തോലിക്കരായ യുവജന ങ്ങള്‍ ആത്മാര്‍ത്ഥതയോടെയും, സന്തോഷത്തോടെയും ക്രിസ്തു വിനെ അന്വേഷിക്കുന്നതു കാണുന്നത്, വലിയ ഒരു അനു ഗ്രഹമാണെന്നും, അടുത്തിടെ റോമില്‍ നടന്ന യുവജന ജൂബിലി ദിനത്തില്‍, ലോകമെമ്പാടുമുള്ള കത്തോലിക്കരായ ഒരു ദശലക്ഷ ത്തിലധികം ചെറുപ്പക്കാര്‍ എത്തി ച്ചേര്‍ന്നത്, ഈ അനുഗ്രഹത്തിന്റെ സാക്ഷ്യമാണെന്നും ലിയോ പതിനാലാമന്‍ മാര്‍പാപ്പ പ്രസ്താ വിച്ചു. ദേശീയ കത്തോലിക്കാ യുവജന സമ്മേളനത്തിന്റെ ഭാഗമായി അമേരിക്കയിലെ ഇന്ത്യാനാപൊളിസിലെ ലൂക്കാസ് ഓയില്‍ സ്റ്റേഡിയത്തില്‍ ഒത്തു കൂടിയ ഏകദേശം 15,000 യുവാ ക്കളുമായി, വീഡിയോ കോണ്‍ ഫറന്‍സ് വഴിയായി സംവദിക്കുക യായിരുന്നു പാപ്പ. വിവിധ വിഷയ ങ്ങളിന്മേല്‍ യുവാക്കള്‍ ഉന്നയിച്ച ചോദ്യങ്ങള്‍ക്കും, സംശയങ്ങള്‍ ക്കും പാപ്പ മറുപടി നല്‍കി.
നാം പാപാവസ്ഥയില്‍ ആണെന്ന് തോന്നുമ്പോള്‍, ദൈവത്തിന്റെ കരുണ സ്വീകരിക്കു വാന്‍ നമുക്ക് ബുദ്ധിമുട്ടു തോന്നു മോയെന്ന സംശയത്തിന്, നാം ദൈവത്തോട് കരുണ യാചിക്കു മ്പോഴെല്ലാം അവന്‍ നമ്മോട് ക്ഷമിക്കുന്നു വെന്നു പാപ്പ പറഞ്ഞു. കരുണ ചോദിക്കുന്ന തില്‍ നമുക്ക് മടുപ്പുതോന്നി യാലും, ക്ഷമിക്കുവാന്‍ കര്‍ത്താവി നു ഒരിക്കലും മടുപ്പ് തോന്നുക യില്ല. അനുരഞ്ജനത്തിന്റെ കൂദാശയില്‍ നാം ഈ കരുണ ഒരു പ്രത്യേക രീതിയില്‍ അനുഭവി ക്കുന്നു, പുരോഹിതനിലൂടെ യേശു നമ്മെ കണ്ടുമുട്ടുന്നു. നാം സത്യസന്ധമായി നമ്മുടെ പാപങ്ങള്‍ ഏറ്റുപറയുകയും പ്രായശ്ചിത്തം സ്വീകരിക്കുകയും ചെയ്യുമ്പോള്‍, പുരോഹിതന്‍ പാപമോചനം നല്‍കുന്നു. അതുവഴിയായി നാം ക്ഷമ സ്വീകരിക്കുന്നു - പാപ്പ കൂട്ടിച്ചേര്‍ത്തു.
ആകുലത നിറഞ്ഞ ജീവിതത്തിന്റെ നിമിഷങ്ങളില്‍, ദൈവം കൂടെയുണ്ടാകുമോ? എന്ന ചോദ്യത്തിന്, നമ്മുടെ കഷ്ടപ്പാടുകള്‍ ദൂരെ നിന്നുകൊണ്ട് വീക്ഷിക്കുന്നവനല്ല കര്‍ത്താവെന്നും, മറിച്ച് സ്‌നേഹത്താല്‍, അവന്‍ നമ്മുടെ കൂടെയുണ്ടെന്നും പാപ്പ പറഞ്ഞു. യേശുവുമായി ഒരു ആത്മാര്‍ത്ഥ ബന്ധം ഉണ്ടാകുമ്പോഴാണ് അവനില്‍ കൂടുതല്‍ വിശ്വാസമര്‍പ്പിക്കുവാന്‍ നമുക്ക് സാധിക്കുന്നത്. യേശുവുമായുള്ള നമ്മുടെ ബന്ധം, സുഹൃത്തുക്കള്‍ക്കിടയില്‍ എന്നതുപോലെ ആയിരിക്കണം. പ്രാര്‍ഥന, ധ്യാനം, വിശുദ്ധ കുര്‍ബാന, വചന വായന എന്നിവയുടെ നിമിഷങ്ങള്‍ ഇപ്രകാരം ഒരു ബന്ധം കര്‍ത്താവുമായി വളര്‍ത്തുവാന്‍ നമ്മെ. സഹായിക്കുന്നു. അതിനാല്‍ പ്രാര്‍ഥനാപൂര്‍വമായ നിശ്ശബ്ദതയുടെ നിമിഷങ്ങള്‍ നാം വളര്‍ത്തിയെടുക്കണമെന്നും പാപ്പ ആഹ്വാനം ചെയ്തു.
ക്രിസ്തീയ വിശ്വാസം ജീവിക്കാന്‍ സാങ്കേതികവിദ്യയ്ക്ക് സഹായിക്കുവാന്‍ സാധിക്കുമെന്നു മറ്റൊരു ചോദ്യത്തിന് മറുപടി യായി പാപ്പ പറഞ്ഞു. ഒരിക്കലും വ്യക്തിപരമായി കണ്ടുമുട്ടിയേ ക്കാത്ത ആളുകളുമായി സുവിശേഷം പങ്കിടാന്‍ ഈ പുരോഗതികള്‍ സഹായിക്കുന്നു വെന്നും പാപ്പ കൂട്ടിച്ചേര്‍ത്തു. അതേസമയം, സാങ്കേതിക വിദ്യയ്ക്ക് ഒരിക്കലും യഥാര്‍ഥവും വ്യക്തിപരവുമായ ബന്ധങ്ങളെ മാറ്റിസ്ഥാപിക്കാന്‍ കഴിയില്ല. രോഗാവസ്ഥയിലും, വാര്‍ധക്യ ബുദ്ധിമുട്ടുകളിലും, മറ്റു ഒഴിവാ ക്കാനാകാത്ത അവസ്ഥകളിലും, ഓണ്‍ലൈനില്‍ കുര്‍ബാന കാണുന്നത് സഹായകരമാണെ ങ്കിലും, ദൈവവുമായും പരസ്പര വുമായും നമ്മുടെ ബന്ധത്തിന് ദേവാലയത്തിലെ നമ്മുടെ സാന്നിധ്യം, അത്യന്താപേക്ഷിത മാണെന്നു പാപ്പ വ്യക്തമാക്കി.