മെക്സിക്കോയിലെ പള്ളികളില് മോഷണം വര്ധിച്ചുവരികയാണെന്നും മയക്കുമരുന്നുപയോഗവും ദാരിദ്ര്യവുമായി ബന്ധപ്പെട്ടതാകാം ഈ മോഷണമെന്നും സഭാധികാരികള് പറഞ്ഞു. വലിയ തുകകളല്ല മോഷ്ടിക്കപ്പെടുന്നത്. പക്ഷേ മോഷണവുമായി ബന്ധപ്പെട്ട് പള്ളികളുടെ പവിത്രത തകര്ക്കുന്നതും കപ്യാര്മാരെ ആക്രമിക്കുന്നതും ചിലപ്പോള് സംഭവിക്കുന്നുണ്ട്. ചില സംഭവങ്ങള് ഗുരുതരവുമായിട്ടുണ്ട്. - സാന് ലുയി പൊട്ടോസി അതിരൂപതാ വക്താവ് പറഞ്ഞു. വീടുകള്, കടകള്, തെരുവുകള് എന്നിവിടങ്ങളിലും മോഷണം പെരുകിയിരിക്കുന്നു. പള്ളികള്ക്കെല്ലാം സുരക്ഷാമുന്കരുതലുകള് ഏര്പ്പെടുത്തേണ്ടി വരുന്നു. മിക്ക പള്ളികളിലും ഇപ്പോള് ക്യാമറകളും അലാമുകളും സ്ഥാപിച്ചിട്ടുണ്ട്. -അദ്ദേഹം വിശദീകരിച്ചു. അരക്ഷിതത്വം വര്ധിച്ചുവരുന്നതിനെതിരെ ജാഗ്രത പാലിക്കണമെന്നു പൊതുസമൂഹത്തോട് സഭാധികാരികള് അഭ്യര്ത്ഥിച്ചു.