സുനാമി വലിയ ദുരന്തം വിതച്ച ഇന്ഡോനേഷ്യയ്ക്കു വേണ്ടി പ്രാര്ത്ഥിച്ച ഫ്രാന്സിസ് മാര്പാപ്പ തന്റെ പ്രാര്ത്ഥനയില് പങ്കുചേരാന് ലോകത്തോട് അഭ്യര്ത്ഥിക്കുകയും ചെയ്തു. അന്താരാഷ്ട്ര സമൂഹം ഇന്ഡോനേഷ്യയോടു ഐക്യദാര്ഢ്യവും പിന്തുണയും പ്രകടമാക്കണമെന്ന് മാര്പാപ്പ ആവശ്യപ്പെട്ടു. സുനാമിയില് ഇരുനൂറിലേറെ പേര്ക്കു ജീവന് നഷ്ടപ്പെടുകയും എണ്ണൂറിലേറെ പേര്ക്കു പരിക്കേല്ക്കുകയും ചെയ്തുവെന്നാണു കണക്ക്.