ചെറിയാച്ചന്,
കാര്യങ്ങള് ഇവിടെ അത്ര രസമല്ല മിസ്റ്റര്.
സമര സഭ, ലോകത്തിന്റെ
വ്യവഹാരങ്ങളിലാണ്
ളോഹയുടെ നിറം
മങ്ങി മങ്ങി വരുന്നു
നിങ്ങളുടെ ആ ജുബ്ബയും
തോള് സഞ്ചിയും !
ഇനിയൊരാള്
അതെടുത്തണിയാന്
വരുമോ ?
സ്വര്ഗത്തില് ഏത്
ആരാധനാ ക്രമമാണ് ?
ഞാന് നിങ്ങളെ ഈ സമയങ്ങളില്
മിസ് ചെയ്യുന്നു
ഇവിടെ ഇനി ക്രിസ്തുമാര്
ബാക്കിയില്ല
ക്രിസ്ത്യാനികള് മാത്രം
അവര്ക്കു കുരിശില് മരിക്കാനറിയില്ല
കുരിശു യുദ്ധമാണ് അറിയുന്നത്
ലോകാവസാനം ഈയടുത്തെങ്ങാനും
ഉണ്ടാകുമോന്ന് അറിയാമോ ?
ചെറിയാച്ചാ,
നിര്മലമായ സ്നേഹം
നിങ്ങളില് ഞാനതു കണ്ടതുകൊണ്ട്
ഞാനതില് ഇന്നും വിശ്വസിക്കുന്നു
നിങ്ങളൊരു വിശുദ്ധനായി
രൂപക്കൂട്ടില് കയറി പോസ്റ്റാകാത്തിരിക്കുന്നതില്
എന്റെ പ്രാര്ത്ഥനയുണ്ട്
ആ സ്മരണ വേണം !
അതുകൊണ്ട്
ഞങ്ങള്ക്ക് വേണ്ടി
സ്വര്ഗത്തില് ചരടുവലികള് നടത്തുക
ഞാനെത്ര പ്രാര്ത്ഥിച്ചാലും
എന്റെ മുന്നില് പ്രത്യക്ഷപ്പെടരുത്
ലോലഹൃദയനാണ് ബോധക്കേടുണ്ടാകും ?
നമുക്കിങ്ങനെ കവിതകള് കൈമാറാം
ചിരിക്കാം,
ചിരികള് വെറുതെ കൊടുക്കാം
മിണ്ടാതിരിക്കാം
ഇടപെടേണ്ടടുത്ത് ഇടപെടാം
സ്വര്ഗത്തില്
ഈശോ ചിരിക്കുന്നതെങ്ങനെയാണ് ?!
ഓ മാന് !?
യുവാക്കള്ക്ക് വേണ്ടി പ്രവര്ത്തിക്കണം
സ്വാവബോധം
പരിസരബോധം
ആത്മീയത
പ്രണയം
ജോലി
അവര്ക്കെല്ലാമുണ്ടാകട്ടെ !
ചെറിയാച്ചന്,
ഇവിടെയുള്ള നിങ്ങളുടെ കൂട്ടുകാരുടെ
സ്വര്ഗീയ മധ്യസ്ഥനാകൂ
വൈദികരുടെ മാതൃക
ഇടയനില്ലാത്ത ഇടയന്മാരാണവര് !
ഓക്കേ ?
ഇല്ലെങ്കില് ചെറിയാച്ചനെ വിശുദ്ധനാക്കി
നൊവേനയിറക്കി അതിലെ പാട്ടില്
നിങ്ങളെ എയറില് കേറ്റി
ഞാന് നശിപ്പിക്കും!
അതുകൊണ്ട് ജാഗ്രതൈ!
മാതാവിനോട് അന്വേഷണം പറയണം
കൊന്ത ഒക്കെ ചൊല്ലിയിട്ട് കുറച്ചായി
അല്ലേലും ഞങ്ങളുതമ്മില്
കോന്തേടെ മാത്രം ബന്ധമല്ലലോ ?
അപ്പൊ സെറ്റ്
മതങ്ങളും
സഭകളും
പാരമ്പര്യങ്ങളും
കടന്നുപോകും,
സ്നേഹം മാത്രം നിലനില്ക്കും
ആമേന്.