നമ്മള് വസിക്കുന്ന ഈ പ്രപഞ്ചം എത്ര സുന്ദരമാണ്. പ്രകൃതിരമണീയതയുടെ നാട്. കേരളം ദൈവത്തിന്റെ സ്വന്തം നാട്. രാവിലെ എഴുന്നേല്ക്കുമ്പോള് പള്ളികളില് നിന്നും അമ്പലങ്ങളില്നിന്നും ഒഴുകിയെത്തുന്ന ഗാനങ്ങള്, പക്ഷികളുടെ കളകൂജനം. എല്ലാം നമ്മുടെ ഈ പ്രകൃതിയെ സുന്ദരമാക്കുന്നു. ഈ സുന്ദരമായ പ്രകൃതിയെ നാം ആസ്വദിക്കണം. ആസ്വദിക്കണമെങ്കില് നല്ലൊരു മനസ്സിന് ഉടമയാകണം. മനസ്സിന്റെ നിഷ്കളങ്കതയില് പ്രകൃതി നമ്മോടു സംസാരിക്കും. തന്റെ സൗന്ദര്യത്തിന്റെയും പ്രവര്ത്തനത്തിന്റെയും രീതി നമ്മുടെ ചെവികളില് മന്ത്രിക്കും. അതു നമുക്ക് ഒരു ആശ്വാസമായി… സാന്ത്വനമായി… പ്രത്യാശയായി പെയ്തിറങ്ങും.
