![വി. യോഹന്നാൻ - Chap.10 [1of2]](http://media.assettype.com/sathyadeepam%2F2026-04-25%2F5j3shokr%2FLOGOSquiz202642.jpg?w=480&auto=format%2Ccompress&fit=max)
ആട്ടിന് തൊഴുത്തിലേക്കു വാതിലിലൂടെയല്ലാതെ മറ്റു വഴിക്കു കടക്കുന്നവന് ആരെന്നാണ് യേശു പറയുന്നത്?
- കള്ളനും കവര്ച്ചക്കാരനുമാണ് (10:1)
ആട്ടിന് തൊഴുത്തിലേക്കു വാതിലിലൂടെ പ്രവേശിക്കുന്നവര് ആരാണ്?
- ആടുകളുടെ ഇടയനാണ് (10:2)
ആരാണ് ഇടയന് വാതില് തുറന്നു കൊടുക്കുന്നത്?
- കാവല്ക്കാരന് (10:3)
........... അവന്റെ സ്വരം കേള്ക്കുന്നു (10:3) അനുസരിച്ച് പൂരിപ്പിക്കുക.
- ആടുകള് (10:3)
തന്റെ ആടുകളെ പേരുചൊല്ലി വിളിക്കുകയും പുറത്തേക്കു നയിക്കുകയും ചെയ്യുന്നത് ആര്?
- ഇടയന് (10:3)
ഇടയന് ആടുകളെ പുറത്തേക്ക് നയിച്ചിട്ട് എന്തു ചെയ്യുന്നു?
- തനിക്കുള്ളതിനെ പുറത്തിറക്കിയിട്ട് അവന് അവയ്ക്കു മുമ്പേ നടക്കുന്നു. അവന്റെ സ്വരം തിരിച്ചറിയുന്നതുകൊണ്ട് ആടുകള് അവനെ അനുഗമിക്കുന്നു (10:4)
ഇടയനല്ലാതെ, അപരിചിതന് ആരെങ്കിലും വന്നാല് ആടുകള് എന്തു ചെയ്യുമെന്നാണ് ഉപമ വഴി യേശു പറഞ്ഞത്?
- അവ ഒരിക്കലും അപരിചിതനെ അനുഗമിക്കുകയില്ല. അന്യരുടെ സ്വരം അറിയാത്ത തിനാല് അവ അവരില് നിന്ന് ഓടിയകലും (10:6)
ആടുകളുടെ ഉപമ ആളുകള്ക്ക് മനസ്സിലാകാത്തതിനാല് യേശു വീണ്ടും പറഞ്ഞതെന്ത്?
- സത്യം സത്യമായി ഞാന് നിങ്ങളോടു പറയുന്നു. ഞാനാണ് ആടുകളുടെ വാതില്. എനിക്കു മുമ്പേ വന്നവരെല്ലാം കള്ളന്മാരും കവര്ച്ചക്കാരു മായിരുന്നു. ആടുകള് അവരെ ശ്രവിച്ചില്ല (10:7-8)
എന്നിലൂടെ പ്രവേശിക്കുന്നവന് രക്ഷപ്രാപിക്കും എന്നാണ് യേശു പറയുന്നത്?
- ഞാനാണ് വാതില്, എന്നിലൂടെ പ്രവേശിക്കുന്നവന് രക്ഷപ്രാപിക്കും. അവന് അകത്തു വരുകയും പുറത്തു പോവുകയും മേച്ചില് സ്ഥലം കണ്ടെത്തുകയും ചെയ്യും (10:9)
കള്ളന് എന്തിനാണ് വന്നിരിക്കുന്നത് എന്നാണ് ഉപമയില് യേശു പറയുന്നത്?
- മോഷ്ടിക്കാനും കൊല്ലാനും നശിപ്പിക്കാനുമാണ് കള്ളന് വരുന്നത് (10:10)
ഞാന് വന്നിരിക്കുന്നത് എന്തിനാണെന്നാണ് യേശു പറയുന്നത്?
- ഞാന് വന്നിരിക്കുന്നത് അവര്ക്ക് ജീവനുണ്ടാ കാനും അതു സമൃദ്ധമായി ഉണ്ടാകാനുമാണ് (10:10)
ഞാന് നല്ല ഇടയനാണ്. നല്ല ഇടയന് ആടുകള്ക്കുവേണ്ടി ........... ........... പൂരിപ്പിക്കുക?
- ജീവന് അര്പ്പിക്കുന്നു (10:11)
ഇടയനല്ലാത്തവനും ആടുകള് സ്വന്തമല്ലാത്തവനുമായ കൂലി ക്കാരന് ചെന്നായ് വരുന്നതു കാണുമ്പോള് എന്തു ചെയ്യുന്നു?
- ആടുകളെ ഉപേക്ഷിച്ച് ഓടിപ്പോകുന്നു (10:12)
ചെന്നായ് വന്ന് ആടുകളെ എന്തു ചെയ്യുന്നു?
- ആടുകളെ പിടിക്കുകയും ചിതറിച്ചു കളയുകയും ചെയ്യുന്നു (10:12)
കൂലിക്കാരന് ഓടിപ്പോകുന്നത് എന്തുകൊണ്ട്?
- അവന് ഓടിപ്പോകുന്നത് കൂലിക്കാരനായതുകൊണ്ടും, ആടുകളെ പ്പറ്റി താല്പര്യമില്ലാത്തതുകൊണ്ടും ആണ് (10:13)
ഞാന് നല്ല ഇടയനാണ് അധ്യായം, വാക്യം പറയുക?
- യോഹന്നാന് 10:14
യോഹ. 10:8 ന് സമാനമായ പഴയ നിയമഭാഗം?
- ജെറമിയ 23:1, എസെക്കിയേല് 34:2
യോഹ. 10:9 ന് സമാനമായ പഴയ നിയമഭാഗം?
- സങ്കീര്ത്തനം 118:20
യോഹ. 10:11 ന് സമാനമായ പഴയ നിയമഭാഗം?
- സങ്കീര്ത്തനം 23:1, ഏശയ്യാ 40:11, എസെക്കിയേല് 34:15
യോഹ. 10:11 ന് സമാനമായ പുതിയ നിയമഭാഗങ്ങള്?
- ഹെബ്രായര് 13:20, വെളിപാട് 7:17, 1 പത്രോസ് 5:4
യോഹ. 10:16 ന് സമാനമായ പഴയ നിയമഭാഗം?
- ഏശയ്യ 56:8, എസെക്കിയേല് 34:23, എസെക്കിയേല് 34:24
ഞാന് നല്ല ഇടയനാണ് എന്നു പറഞ്ഞുകൊണ്ട് യേശു ഇടയനെപ്പറ്റി എന്തെല്ലാം സൂചിപ്പിക്കുന്നു?
- ഞാന് നല്ല ഇടയനാണ്. പിതാവ് എന്നെയും ഞാന് പിതാവിനെയും അറിയുന്നതു പോലെ ഞാന് എനിക്കുള്ളവ യെയും എനിക്കുള്ളവ എന്നെയും അറിയുന്നു. ആടുകള്ക്കു വേണ്ടി ഞാന് ജീവന് അര്പ്പിക്കുന്നു (10:14-15)
ഈ തൊഴുത്തില്പെടാത്ത മറ്റാടുകളും എനിക്കുണ്ട് എന്നു പറഞ്ഞ് യേശു അവയെക്കുറിച്ച് എന്താണ് പഠിപ്പിക്കുന്നത്?
- ഈ തൊഴുത്തില്പെടാത്ത മറ്റാടുകളും എനിക്കുണ്ട്. അവയെയും ഞാന് കൊണ്ടു വരേണ്ടിയിരിക്കുന്നു. അവ എന്റെ സ്വരം ശ്രവിക്കും. അങ്ങനെ ഒരാട്ടിന്പറ്റവും ഒരിടയനുമാകും (10:16)
തിരിച്ചെടുക്കുന്നതിനുവേണ്ടി ഞാന് ജീവന് അര്പ്പിക്കുന്നതിനാല് പിതാവ് എന്തു ചെയ്യുന്നു?
- പിതാവ് എന്നെ സ്നേഹിക്കുന്നു (10:17)
