ഗലാത്തിയ - Chapter 3 [3of3]

മധ്യവര്‍ത്തിയുടെ ആവശ്യം വരുന്നത് എപ്പോഴാണ്?

- ഒന്നില്‍ കൂടുതല്‍ പേരുള്ളപ്പോള്‍

ആരെയാണ് ഏകനെന്ന് പൗലോസ് വിശേഷിപ്പിക്കുന്നത്?

- ദൈവത്തെ (3:20)

നിയമം എന്തിനു വിരുദ്ധമല്ലെന്നാണ് പൗലോസ് പറയുന്നത്?

- ദൈവത്തിന്റെ വാഗ്ദാനങ്ങള്‍ക്ക് (3:21)

ജീവദായകമായ ഒരു നിയമം നിലവിലുണ്ടായിരുന്നെങ്കില്‍ എന്ത് ഉണ്ടാകുമായിരുന്നു?

- ആ നിയമം വഴി നീതി ഉണ്ടാകുമായിരുന്നു.

നീതി ഉണ്ടാകാന്‍ എങ്ങിനെയുള്ള നിയമമാണ് വേണ്ടത്?

- ജീവദായകമായ നിയമം (3:21)

വിശുദ്ധഗ്രന്ഥം എന്താണ് പ്രഖ്യാപിച്ചത്?

- ക്രിസ്തുവിലുള്ള വിശ്വാസംവഴി വിശ്വാസികള്‍ വാഗ്ദാനം പ്രാപിക്കേണ്ടതിന് എല്ലാവരും പാപത്തിന് അധീനരാണെന്ന് പ്രഖ്യാപിച്ചു (3:22)

എപ്രകാരമാണ് വിശ്വാസികള്‍ വാഗ്ദാനം പ്രാപിക്കേണ്ടത്?

- യേശുക്രിസ്തുവിലുള്ള വിശ്വാസംവഴി

വിശ്വാസം ആവിര്‍ഭവിക്കുന്നതിനുമുന്‍പ് നമ്മള്‍ എന്തിന്റെ കാവലിലായിരുന്നു?

- നിയമത്തിന്റെ കാവലിലായിരുന്നു

വിശ്വാസം വെളിപ്പെടുന്നതുവരെ എങ്ങിനെയാണ് കഴിഞ്ഞത്?

- നിയന്ത്രണാധീനരായി കഴിഞ്ഞു

നിയമം നമ്മുടെ പാലകനായത് എന്തിന് വേണ്ടിയാണ്?

- നമ്മള്‍ വിശ്വാസത്താല്‍ നീതികരിക്കപ്പെടേണ്ടതിന്

നിയമം നമ്മുടെ പാലകനായത് എന്നുവരെയാണ്?

- ക്രിസ്തുവിന്റെ ആഗമനംവരെ

ഇപ്പോള്‍ നമ്മള്‍ പാലകന് അധീനരല്ലാത്തത് എന്തുകൊണ്ട്?

- വിശ്വാസം സമാഗമമായ നിലയ്ക്ക് (3:25)

ഇവിടെ പാലകന്‍ എന്ന് പറഞ്ഞിരിക്കുന്നത് എന്തിനെ ഉദ്ദേശിച്ചാണ്?

- നിയമത്തെ

യേശുക്രിസ്തുവിലുള്ള വിശ്വാസംവഴി എല്ലാവരും എന്താകുന്നു എന്നാണ് പൗലോസ് പറയുന്നത്?

- എല്ലാവരും ദൈവപുത്രന്മാരാണ് (3:26)

നമ്മള്‍ ദൈവപുത്രന്മാരാകുന്നത് എങ്ങിനെയാണ്?

- യേശുക്രിസ്തുവിലുള്ള വിശ്വാസംവഴി

ക്രിസ്തുവിനെ ധരിക്കുന്നത് എപ്പോഴാണ്?

- ക്രിസ്തുവിനോട് ഐക്യപ്പെടുവാന്‍ വേണ്ടി സ്നാനം സ്വീകരിക്കുമ്പോള്‍

ക്രിസ്തുവിനോട് ഐക്യപ്പെടുവാന്‍ വേണ്ടി നാം എന്താണ് സ്വീകരിക്കേണ്ടത്?

- സ്നാനം

യേശുക്രിസ്തുവില്‍ ഒന്നാകുന്നതില്‍ എന്തുതരത്തിലുള്ള വ്യത്യാസങ്ങളുമില്ലെന്നാണ് പൗലോസ് പറയുന്നത്?

- യേശുക്രിസ്തുവില്‍ ഒന്നാകുന്നതില്‍ യഹൂദനെന്നോ ഗ്രീക്കുകാരനെന്നോ അടിമയെന്നോ സ്വതന്ത്രനെന്നോ പുരുഷനെന്നോ സ്ത്രീയെന്നോ വ്യത്യാസമില്ല (3:28)

ക്രിസ്തുവിനുള്ളവര്‍ ആരുടെ സന്തതികളാണ്?

- അബ്രാഹത്തിന്റെ സന്തതികള്‍

അബ്രാഹത്തിന്റെ സന്തതികള്‍ ആര്‍ക്കുള്ളവരാണ്?

- ക്രിസ്തുവിനുള്ളവര്‍

എന്തനുസരിച്ചാണ് അവര്‍ അവകാശികളാകുന്നത്?

- വാഗ്ദാനമനുസരിച്ച് (3:29)

എന്തായിരുന്നു വാഗ്ദാനം?

- നിന്നില്‍ ജനതകളെല്ലാം അനുഗൃഹീതരാകും