![ഗലാത്തിയ - Chap.5 [2of2]](http://media.assettype.com/sathyadeepam%2F2026-06-23%2Fol25e7vb%2FguruLOGOSquiz202662.jpg?w=480&auto=format%2Ccompress&fit=max)
പരിച്ഛേദനത്തിന് അനുകൂലമായി പ്രസംഗിക്കാത്തതുകൊണ്ട് പൗലോസ് നേരിടുന്നത് എന്താണ്?
- പീഢനങ്ങള് (5:11)
ഗലാത്തിയരെ അസ്വസ്ഥരാക്കുന്നവര് എന്തു ചെയ്തിരുന്നെങ്കില് എന്നാണ് പൗലോസ് ആശിക്കുന്നത്?
- അവര് പൂര്ണ്ണമായും അംഗവിച്ഛേദനം ചെയ്തിരുന്നെങ്കില് എന്ന് (5:12)
ആര് അംഗവിച്ഛേദനം ചെയ്തു കാണുവാനാണ് പൗലോസ് ആശിക്കുന്നത്?
- ഗലാത്തിയരെ അസ്വസ്ഥരാക്കുന്നവര് (5:12)
ഗലാത്തിയര് എന്തിലേക്കാണ് വിളിക്കപ്പെട്ടിരിക്കുന്നത്?
- സ്വാതന്ത്ര്യത്തിലേക്ക് (5:13)
ആ സ്വാതന്ത്ര്യത്തെ എന്ത് തരത്തിലുള്ള സ്വാതന്ത്ര്യമായി ഗണിക്കരുതെന്നാണ് പൗലോസ് പറയുന്നത്?
- ഭൗതികസുഖത്തിനുള്ള സ്വാതന്ത്ര്യമായി
എപ്രകാരം പരസ്പരം സേവിക്കണമെന്നാണ് ശ്ലീഹാ പറയുന്നത്?
- സ്നേഹത്തോടെ, ദാസരെപ്പോലെ (5:13)
നിയമം മുഴുവന് അടങ്ങിയിരിക്കുന്ന ഒരേയൊരു കല്പന എന്താണ്?
- നിന്നെപ്പോലെ നിന്റെ അയല്ക്കാരനേയും സ്നേഹിക്കുക (5:14)
നിന്നെപ്പോലെ നിന്റെ അയല്ക്കാരനേയും സ്നേഹിക്കുക എന്ന കല്പനയില് എന്ത് അടങ്ങിയിരിക്കുന്നു?
- നിയമം മുഴുവന് അടങ്ങിയിരിക്കുന്നു (5:14)
ഈ വാക്യത്തിന് സമാനമായ വാക്യം ലേവ്യരുടെ പുസ്തകത്തില് എവിടെ കാണുന്നു?
- ലേവ്യരുടെ പുസ്തകം 19-ാം അദ്ധ്യായം 18-ാം വാക്യത്തില്
എന്താണ് ലേവ്യരുടെ പുസ്തകത്തിലെ വാക്യം?
- "നിന്റെ ജനത്തോട് പകയോ പ്രതികാരമോ പാടില്ല. നിന്നെപ്പോലെ നിന്റെ അയല്ക്കാരനേയും സ്നേഹിക്കുക. ഞാനാണ് കര്ത്താവ്."
എന്ത് ശ്രദ്ധിക്കണമെന്നാണ് പൗലോസ് പറയുന്നത്?
- ഗലാത്തിയക്കാര് അന്യോന്യം കടിച്ചുകീറുകയും വിഴുങ്ങു കയും ചെയ്ത് പരസ്പരം നശിപ്പിക്കാതിരിക്കാന് ശ്രദ്ധിക്കണം.
എങ്ങിനെ വ്യാപരിക്കണമെന്നാണ് പൗലോസ് ശ്ലീഹാ പറയുന്നത്?
- ആത്മാവിന്റെ പ്രേരണയനുസരിച്ച് വ്യാപരിക്കുവാനാണ് പറയുന്നത് (5:16)
എന്തിനെ തൃപ്തിപ്പെടുത്തരുത് എന്നാണ് ശ്ലീഹാ പറയുന്നത്?
- ജഡമോഹങ്ങളെ
എന്തുകൊണ്ടാണ് ജഡമോഹങ്ങളെ ഒരിക്കലും തൃപ്തിപ്പെടു ത്തരുത് എന്ന് പറയുന്നത്?
- എന്തെന്നാല് ജഡമോഹങ്ങള് ആത്മാവിന് എതിരാണ് (5:17)
ആത്മാവിന്റെ അഭിലാഷങ്ങള് എന്തിന് എതിരാണ്?
- ജഡത്തിന് എതിരാണ് (5:17)
ആര് തമ്മിലാണ് പരസ്പരം എതിര്ക്കുന്നത്?
- ജഡമോഹങ്ങളും ആത്മാവും തമ്മില്
ജഡമോഹങ്ങളും ആത്മാവും പരസ്പരം എതിര്ക്കുന്നതു നിമിത്തം ഗലാത്തിയര്ക്ക് എന്താണ് സാധിക്കാതെ വരുന്നത്?
- ആഗ്രഹിക്കുന്നത് പ്രവര്ത്തിക്കാന് സാധിക്കാതെ വരുന്നു (5:17)
അവര് നിയമത്തിന് കീഴില് അല്ലാതാകുന്നത് എപ്പോഴാണ്?
- ആത്മാവ് അവരെ നയിക്കുമ്പോള് (5:18)
ജഡത്തിന്റെ വ്യാപാരങ്ങള് എന്തൊക്കെയാണെന്നാണ് പൗലോസ് ശ്ലീഹാ പറയുന്നത്?
- ജഡത്തിന്റെ വ്യാപാരങ്ങള് വ്യഭിചാരം, അശുദ്ധി, ദുര്വൃത്തി, വിഗ്രഹാരാധന, ആഭിചാരം, ശത്രുത, കലഹം, അസൂയ, കോപം, മാത്സര്യം, ഭിന്നത, വിഭാഗീയചിന്ത, വിദ്വേഷം, മദ്യപാനം, മദിരോത്സവം ഇവയും ഈദൃശ്യമായ മറ്റ് പ്രവൃത്തികളുമാണ് (5:19-21).
ഈദൃശ്യമായ പ്രവൃത്തികളില് ഏര്പ്പെടുന്നവര്ക്ക് പൗലോസ് ശ്ലീഹാ എന്ത് താക്കീതാണ് നല്കുന്നത്?
- അവര് ദൈവരാജ്യം അവകാശപ്പെടുത്തുകയില്ല.
ആത്മാവിന്റെ ഫലങ്ങള് എന്തെല്ലാമാണ്?
- ആത്മാവിന്റെ ഫലങ്ങള് സ്നേഹം, ആനന്ദം, സമാധാനം, ക്ഷമ, ദയ, നന്മ, വിശ്വസ്തത, സൗമ്യത, ആത്മസംയമനം ഇവയാണ് (5:22-23).
യേശുക്രിസ്തുവിനുള്ളവര് വികാരങ്ങളോടും മോഹങ്ങളോടും കൂടി എന്തിനെയാണ് ക്രൂശിച്ചിരിക്കുന്നത്?
- തങ്ങളുടെ ജഡത്തെ (5:24)
ആരാണ് തങ്ങളുടെ ജഡത്തെ വികാരങ്ങളോടും മോഹങ്ങളോടുംകൂടി ക്രൂശിച്ചിരിക്കുന്നത്?
- യേശുക്രിസ്തുവിനുള്ളവര്.
യേശുക്രിസ്തുവിനുള്ളവര് തങ്ങളുടെ ജഡത്തെ എപ്രകാരമാണ് ക്രൂശിച്ചിരിക്കുന്നത്?
- യേശുക്രിസ്തുവിനുള്ളവര് തങ്ങളുടെ ജഡത്തെ അതിന്റെ വികാരങ്ങളോടും മോഹങ്ങളോടുംകൂടെ ക്രൂശിച്ചിരിക്കുന്നു (5:24)
നമുക്ക് ആത്മാവില് വ്യാപരിക്കാന് സാധിക്കുന്നത് എപ്പോഴാണ്?
- നാം ആത്മാവില് ജീവിക്കുമ്പോള് (5:25)
ആത്മാവിന്റെ ഫലങ്ങള്ക്കെതിരായി എന്തെങ്കിലും നിയമമുണ്ടോ?
- ഇല്ല. ആത്മാവിന്റെ ഫലങ്ങള്ക്കെതിരെ ഒരു നിയമവുമില്ല.
ഒരു നിയമവുമില്ലാത്തത് എന്തിനെതിരെയാണ്?
- ആത്മാവിന്റെ ഫലങ്ങള്ക്കെതിരെ (5:23).
ഗലാത്തിയര് എങ്ങനെയുള്ളവര് ആകാതിരിക്കട്ടെ എന്നാണ് പൗലോസ് ശ്ലീഹാ പറയുന്നത്?
- അവര് പരസ്പരം പ്രകോപി ക്കുന്നവരും അസൂയപ്പെടുന്നവരും വ്യര്ത്ഥാഭിമാനികളും ആകാതിരിക്കട്ടെ എന്നാണ് പൗലോസ് ശ്ലീഹാ പറയുന്നത്.
പരസ്പരം പ്രകോപിപ്പിക്കുന്നവരും അസൂയപ്പെടുന്നവരും വ്യര്ത്ഥാഭിമാനികളും ആകാതിരിക്കട്ടെ എന്ന് ആരെക്കുറിച്ചാണ് ശ്ലീഹാ പറയുന്നത്?
- ഗലാത്തിയരെക്കുറിച്ച്.
