നിസ്തുല സ്‌നേഹത്തിന്‍ തിരുവെഴുത്താല്‍
നിറയുന്ന ദിവ്യപ്രഘോഷണങ്ങള്‍
നിത്യസത്യങ്ങളെ സാക്ഷ്യങ്ങളാക്കുവാന്‍
നീതിമാന്‍ ഭൂജാതനായി - ഈശോ.
സഹനവും സാഹോദര്യത്തിന്റെ വാച്യവും
സാന്ത്വനമേകുന്ന പരമ്പൊരുളായ്
സായത്ത്വമാക്കുവാന്‍ മാനവസിരകളില്‍
സ്വര്‍ഗ്ഗീയ വചനമായരുളിനാഥന്‍
പന്ത്രണ്ടു ശിഷ്യഗണങ്ങളെയെന്നേയ്ക്കും
പാണ്ഡിത്യമരുളിതന്‍ പാതയില്‍ നിത്യമായ്
പാപത്തിന്‍ പുത്രനാം യൂദാസ്സിന്‍ ചുംബനം
പരമാത്മ ഗുരുവിനെ ഒറ്റിക്കൊടുക്കുവാന്‍
പത്രോസ്സുമൊരുവേള നാഥനെ കൈവിട്ടു
പാപിയായ്‌ക്കൊള്ളട്ടെയെങ്കിലും ഉരുവിട്ടു
ഈ കുറ്റവാളിയെ ഇന്നോളമറിയില്ല
ഇവനെ ഞാന്‍ കണ്ടതായ് ഓര്‍മ്മയില്ലിതു സാക്ഷ്യം.
കാലവും കാലാന്തരങ്ങളും പിന്നിട്ടു
കാലങ്ങളിന്നോളമെത്തുന്ന വേളയില്‍
കലിപൂണ്ടമര്‍ത്ത്യരില്‍ - സോദരനാകിലും
കാല്‍ക്കാശിന്‍ വിവേകമൊട്ടില്ലിന്നും ഒറ്റുവാന്‍
