വിയോ വർഗീസ്
അമ്മതൻ ഉദരം മുതലെന്നെ
നന്നായറിയും ദൈവമേ
അരുമക്കുഞ്ഞിനെപ്പോലെ നീയെന്നും
അരികിലണച്ചെന്നെ കാത്തിടുന്നു.
കാറ്റിൽ പാറിടും ധൂളിയാമെന്നെ
കൈപിടിച്ചു നടത്തുന്നു
കാതിൽ തേൻമൊഴി മുത്തുകൾ പാകി
കരളിൽ സ്നേഹമുണർത്തുന്നു
എത്ര ധന്യമിതെത്ര സഫലം
എന്റയീ ജന്മം!
തെരുവിലിഴയും കീടമാമെന്നെ
തഴുകിത്തനിത്തങ്കമാക്കുന്നു
ദുരിതകാലത്തൊരഭയകേന്ദ്രമായ്
കരുതലോടെ വന്നെത്തുന്നു
എത്ര ധന്യമിതെത്ര സഫലം
എന്റെയീജന്മം!
