സുമിൻ ജോയ്
നിൻ്റെ ചിറകിനടിയിൽ ഞാൻ ഒരു സ്വപ്നമായിരുന്നു,
ജീവിത പാതകളിൽ നീ വെളിച്ചമായി;
നിശ്ശബ്ദ പ്രാർത്ഥനകളുടെ മൃദുസ്വരമായി,
എന്നെ നയിച്ച ദൈവഹസ്തവുമായി.
ഉറക്കമില്ലാ രാവുകളുടെ ദീപ്തിയായിരുന്നു നീ,
എൻ്റെ ചെറു ചിരിയിൽ ലോകത്തെ കണ്ടു നീ;
വേദനകൾ നെഞ്ചിലാഴ്ത്തി മൗനമായി,
എൻ്റെ ദുഃഖത്തെയാകെ സന്തോഷത്തിൻ പൂക്കളാക്കി.
തളർന്ന നേരം താങ്ങായി നീ നിന്നു,
തെറ്റിയിടുമ്പോൾ വഴികാട്ടിയായി വന്നു;
ശ്വാസത്തിന്റെ ഓരോ നാദത്തിലും,
നിന്റെ സ്നേഹം നിഴലു പോലെ നിലനിന്നു.
അമ്മേ…
വാക്കുകൾക്കതീതമായ സ്നേഹഗാനം,
കാലത്തിലൊന്നിലും മാഞ്ഞുപോകാത്ത സ്നേഹചിഹ്നം;
എൻ്റെ ജീവിതത്തിന്റെ ആദ്യ മൊഴിയും,
അവസാന ആശ്വാസവും നീ മാത്രം.
