സി. ടെര്സീന എഫ് സി സി
സ്വര്ഗീയ ഗേഹത്തില് പൊന്പ്രഭ തൂകുന്ന
സ്വര്ഗാരോപിത മാതാവേ, യേശുവിന്നമ്മേ
താതനെ, പുത്രനേ, റൂഹായേ സ്നേഹിച്ചോ-
രമ്മെ, ഞങ്ങള്ക്കുമാ വഴി നടന്നിടേണം.
നന്മ നിറഞ്ഞ മറിയമേ സ്വസ്തി, കര്ത്താവ്-
നിന്നോടു കൂടെ - ഗബ്രിയേല് ദൂതന്റെ
വാക്കുകള്ക്ക്, ''ഇതാ കര്ത്താവിന്റെ ദാസി-
യെന്നുത്തരം.'' ദൈവത്തിന്പ്രീതിയും നേടി.
പാപക്കറ കൂടാതെ ജനിച്ചോരമ്മ,
പിതാവാം ദൈവത്തിന് ഇഷ്ടപുത്രി,
പുത്രനാം ദൈവത്തിന് സ്വന്തം അമ്മ,
പാവന റൂഹാതന് വിശ്വസ്ത ദാസി
മേരിതന് വിരക്ത ഭര്ത്താവ് ജോസഫ്
തന് സ്വന്തമാം കന്യകാമേരിയേയും
മാനവകുല രക്ഷകനാം യേശുവിനെയും
കാത്തുപരിപാലിച്ചു പോറ്റിയല്ലോ
കാനായിലെ ''ഭവനം'' വീഞ്ഞുതീര്ന്ന നേരം
യേശുവിന് മുന്പില് അമ്മ തന് ''പാവന സ്നേഹം''
പച്ചവെള്ളത്തെ മുന്തിരിച്ചാറാക്കി മാറ്റി
യേശുവിന് ആദ്യ അത്ഭുതം വന്നല്ലോ!!!
ഉത്ഭവം മുതല് കാല്വരി കുരിശുവരെ
പുത്രനോടൊപ്പമായിരുന്നു നല്ലമ്മ
''മാനവകുല രക്ഷകന്'' യേശുനാഥന് -
സഹരക്ഷകയല്ലോ കന്യകാമറിയം
കുരിശിന്നരികേ തന് സ്വന്തം അമ്മ
യേശുനാഥന് സ്നേഹിച്ച യോഹന്നാന് ശിഷ്യന്
അമ്മയോടു ചൊല്ലി ''ഇതാ നിന്റെ മകന്''
വത്സല ശിഷ്യനോട് - ''ഇതാ നിന്റെ അമ്മ.''
നല്ലവനാം നാഥന്, അമ്മയെ ഞങ്ങള്ക്ക്
അമ്മയായി തന്നനുഗ്രഹിച്ചല്ലോ!!!
അമ്മയുടെ മക്കളാം ഞങ്ങളെന്നെന്നും
അമ്മയുടെ സ്ന്തം, അമ്മയ്ക്കും സ്വന്തം.
യേശുവിന്നമ്മയെ മരണം വന്നു വിളിച്ചൂ
പുത്രന് - തന്റെ ദൂതര്ക്കായ് കല്പനയേകി-
പൂജ്യശരീരം പരിചൊടുമാനിക്കാന്
തല്ക്ഷണം വിണ്ണില്നിന്നും ദൂതരിറങ്ങി.
ആദരവോടെ സാഘോഷം മേരിയെ വഹിച്ച്
സ്വര്ലോകത്തില് - മഹിമയോടെ - അമ്മയെ
സാദരം പരിചിലുയര്ത്തി ആദരിച്ചു!!!
സ്വര്ലോകരാജ്ഞി, മക്കള്ക്കെന്നും ആനന്ദം
മറിയത്തിന് സ്വര്ഗാരോപണം വിശ്വാസ-
സത്യമെന്നു പ്രഖ്യാപിക്കുന്നു 12-ാം പീയൂസ് പാപ്പ
''മൂനിഫിച്ചെന്തീസ്സീമൂസ് ദേവൂസ്'' എന്ന
ചാക്രിക ലേഖനത്തിലൂടെ സാഘോഷം.
