സീറോ-മലബാര് സഭയുടെ മേജര് ആര്ച്ചുബിഷ പ് കര്ദിനാള് മാര് ജോര്ജ് ആലഞ്ചേരിയുടെ മെത്രാ ഭിഷേക രജത ജൂബിലി ആഘോഷങ്ങള്ക്കു ലളിത മായ തുടക്കം. സഭയുടെ ആസ്ഥാനകാര്യാലയമായ മൗണ്ട് സെന്റ് തോമസിലെ ചാപ്പലില് കര്ദിനാള് വിശുദ്ധ കുര്ബാനയര്പ്പിച്ചു. കൂരിയാ ബിഷപ് മാര് സെബാസ്റ്റ്യന് വാണിയപുരയ്ക്കലും കൂരിയായില് സേവനം ചെയ്യുന്ന വൈദികരും സഭയുടെ വലിയ ഇടയനോടൊപ്പം വി. കുര്ബാനയില് പങ്കുചേര്ന്നു. സഭാകാര്യാലയത്തില് ശുശ്രൂഷചെയ്യുന്ന സമര്പ്പിത രും അല്മായരും വി. കുര്ബാനയില് പങ്കെടുത്തു. വി. കുര്ബാനയ്ക്കുശേഷം കൂരിയാ ബിഷപ്പിന്റെ നേ തൃത്വത്തില് വലിയപിതാവിന് ജൂബിലി വര്ഷാരംഭ ത്തിന്റെ ആശംസകള് നേര്ന്നു.
ചങ്ങനാശ്ശേരി അതിരൂപത ആരംഭിച്ച തക്കല മിഷ നിലെ പ്രവര്ത്തനങ്ങള് കൂടുതല് ഫലപ്രദമാക്കുന്ന തിന്റെ ഭാഗമായി 1996 ല് വി. ജോണ് പോള് രണ്ടാമന് മാര്പാപ്പ തക്കല രൂപത സ്ഥാപിച്ചപ്പോള് പുതിയ രൂപതയുടെ മെത്രാനായി നിയമിച്ചതു ചങ്ങനാശ്ശേരി അതിരൂപതയുടെ അന്നത്തെ വികാരി ജനറാളായിരു ന്ന ഫാ. ജോര്ജ് ആലഞ്ചേരിയെയാണ്. 1997 ഫെബ്രു വരി 2-ാം തീയതി മാര് ജോസഫ് പൗവ്വത്തില് മെത്രാ പ്പോലീത്തായില് നിന്നു മെത്രാന് പട്ടം സ്വീകരിച്ചു. മാര് വര്ക്കി വിതയത്തില് പിതാവ് കാലം ചെയ്തതി നെ തുടര്ന്നു സമ്മേളിച്ച സീറോ-മലബാര് മെത്രാന് സിനഡ് സീറോ-മലബാര് സഭയെ നയിക്കാനുള്ള നിയോഗം ഭരമേല്പ്പിച്ചതു തക്കലയുടെ ബിഷപ്പായി രുന്ന മാര് ജോര്ജ് ആലഞ്ചേരിയെയാണ്. 2011 മെയ് 29-ന് സീറോ-മലബാര് സഭയുടെ മേജര് ആര്ച്ചുബി ഷപ്പായി അദ്ദേഹം സ്ഥാനമേറ്റെടുത്തു. ബനഡിക്ട് പതിനാറാമന് മാര്പാപ്പ 2012 ഫെബ്രുവരി 18 ന് മാര് ജോര്ജ് ആലഞ്ചേരി പിതാവിനെ കര്ദിനാള് സ്ഥാന ത്തേയ്ക്കുയര്ത്തി. 2013-ല് ഫ്രാന്സിസ് മാര്പാപ്പയെ തെരഞ്ഞെടുത്ത കര്ദിനാള്മാരുടെ കോണ്ക്ലേവില് പങ്കെടുത്തു. മെത്രാന്പട്ട സ്വീകരണത്തിന്റെ ഇരുപ ത്തിയഞ്ചാം വര്ഷത്തിലേയ്ക്കു പ്രവേശിക്കുന്ന കര്ദി നാള് മാര് ജോര്ജ് ആലഞ്ചേരി കേരള കത്തോലിക്കാ മെത്രാന് സമിതിയുടെ പ്രസിഡണ്ടും കേരള ഇന്റര് ചര്ച്ച് കൗണ്സിലിന്റെ ചെയര്മാനുമാണ്.
