കൊച്ചി: കൊച്ചിൻ ഫിലിം സൊസിറ്റിയുടെയും ചാവറ കൾച്ചറൽ സെന്ററിന്റെയും സംയുക്തത്തിൽ ശ്രീലങ്കൻ ചലച്ചിത്രമേള ചാവറ കൾച്ചറൽ ലൈബ്രറി ഹാളിൽ ആരംഭിച്ചു. ആദ്യ ചിത്രം പ്രസന്ന ജയക്കൊടി സംവിധാനം ചെയ്ത '28 ' എന്നതായിരുന്നു.
ശ്രീലങ്കൻ സിനിമകളെക്കുറിച്ചു കൊളംമ്പോയിലെ ഇന്ത്യൻ കൾച്ചറൽ സെന്ററിന്റെ മുൻ ഡയറക്ടർ എം.രാമചന്ദ്രൻ പ്രഭാഷണം നടത്തി. ശ്രീലങ്കയിലെ ആഭ്യന്തര യുദ്ധത്തിനുശേഷം പഴയകാല തടസങ്ങളിൽ നിന്ന് എങ്ങനെ വ്യത്യസ്തമായി അന്തർദേശീയ അനുഭവങ്ങളെ തുറന്നുകാട്ടുന്നുവെന്നു ഈ സിനിമയിലൂടെ അവതരിപ്പിക്കുന്നു.
മാനസികമായും ശാരീരികവുമായ അതിക്രമങ്ങളെ പച്ചയായി തുറന്നു കാട്ടുന്നുവെന്ന് അദ്ദേഹം പറഞ്ഞു. ചാവറ കൾച്ചറൽ സെന്റർ ഡയറക്ടർ ഫാ. അനിൽ ഫിലിപ്പ് സി.എം.ഐ., അധ്യക്ഷത വഹിച്ചു. കൊച്ചിൻ ഫിലിം സൊസൈറ്റി സെക്രട്ടറി വി എ ബാലചന്ദ്രൻ, ടി കലാധരൻ എന്നിവർ പ്രസംഗിച്ചു. ഇന്ന് അശോക ഗന്ദഗമ സംവിധാനം ചെയ്ത പ്രശസ്‌ത ചലച്ചിത്രം ആൽബോറാഡ പ്രദർശിപ്പിക്കും.
