കോട്ടയം: പിന്നോക്കാവസ്ഥയിലുള്ള കുടുംബങ്ങളുടെ സമഗ്ര ഉന്നമനം ലക്ഷ്യമാക്കി കോട്ടയം അതിരൂപതയുടെ സാമൂഹ്യ സേവന വിഭാഗമായ കോട്ടയം സോഷ്യല് സര്വ്വീസ് സൊസൈറ്റി, സേവ് എ ഫാമിലി പ്ലാനുമായി സഹകരിച്ച് നടപ്പിലാക്കുന്ന കുടുംബശാക്തീകരണ പദ്ധതിയുടെ ഭാഗമായി സംരംഭകത്വ വികസന സെമിനാര് സംഘടിപ്പിച്ചു. തെള്ളകം ചൈതന്യ പാസ്റ്ററല് സെന്ററില് സംഘടിപ്പിച്ച സെമിനാറിന്റെ ഉദ്ഘാടനം കെ.എസ്.എസ്.എസ് എക്സിക്യൂട്ടീവ് ഡയറക്ടര് ഫാ. സുനില് പെരുമാനൂര് നിര്വ്വഹിച്ചു. സേവ് എ ഫാമിലി പ്ലാന് പ്രോഗ്രാം ഓഫീസര് ആള്ട്ടോ ആന്റണി ചടങ്ങില് അദ്ധ്യക്ഷത വഹിച്ചു. മേഴ്സി സ്റ്റീഫന്, ജിജി ജോയി എന്നിവര് ക്ലാസ്സുകള് നയിച്ചു. പ്രോഗ്രാം ഓഫീസര് മെര്ലിന് ടോമി, സേവ് എ ഫാമിലി പ്ലാന് അനിമേറ്റേഴ്സായ ജാന്സി സന്തോഷ്, ബിന്സി ഫിലിപ്പ് എന്നിവര് പരിപാടികള്ക്ക് നേതൃത്വം നല്കി.