എറണാകുളം ലിസി ഫാർമസി കോളേജിന്റെ സുവർണ്ണ ജൂബിലി ആഘോഷങ്ങളുടെ ഉദ്ഘാടനം, 2026 വെള്ളിയാഴ്ച ലിസി ആശുപത്രി ഓഡിറ്റോറിയത്തിൽ വച്ച് എറണാകുളം അങ്കമാലി അതിരൂപതയുടെ വികാരി ജനറാളും, AICO യുടെ ഡയറക്ടറുമായ മോൺ. ഡോ. ആന്റോ ചേരാൻതുരുത്തി നിർവ്വഹിച്ചു. ലിസി സ്ഥാപനങ്ങളുടെ മാനേജിംഗ് ഡയറക്ടറും, ലിസി വിദ്യാഭ്യാസ സ്ഥാപനങ്ങളുടെ ചീഫ് എക്സിക്യൂട്ടീവ് ട്രസ്റ്റിയുമായ റവ. ഫാ. ഡോ. പോൾ കരേടൻ ചടങ്ങിൽ അധ്യക്ഷ വഹിച്ചു. റവ. ഫാ. ഡോ. വർഗീസ് അമ്പലത്തിങ്കൽ സ്വാഗതവും, ലിസി കോളേജ് ഓഫ് ഫാർമസി പ്രിൻസിപ്പാൾ പ്രൊഫ. ഡോ. ജിനു ഐസക് നന്ദിയും രേഖപ്പെടുത്തി.
ചടങ്ങിൽ ലിസി ഫാർമസി കോളേജിന്റെ സ്ഥാപക പ്രിൻസിപ്പാൾ സിസ്റ്റർ ഡോ. ബെറ്റി കാർള എം എസ് ജെ, അധ്യാപിക സി. ഡോ. ഏലിക്കുട്ടി എന്നിവരെ ആദരിച്ചു. ഗോൾഡൻ ജൂബിലി ആഘോഷങ്ങളിൽ പങ്കെടുത്ത ഡി. ഫാം. ആദ്യ ബാച്ച് [1977] വിദ്യാർത്ഥികളെയും ആദരിച്ചു. ചടങ്ങിൽ 250 ഓളം വിദ്യാർത്ഥികളും, ലിസി ആശുപത്രിയുടെ വിവിധ വകുപ്പുകളുടെ മേധാവികളും, സ്റ്റാഫ് അംഗങ്ങളും പങ്കെടുത്തു.
