എറണാകുളം അങ്കമാലി അതിരൂപതയുടെ സാമൂഹ്യ പ്രവര്ത്തന വിഭാഗമായ സഹൃദയ കാരീത്താസ് ഇറ്റാലിയാനയുമായി സഹകരിച്ചു ഭിന്നശേഷിക്കാര്ക്കായി നടപ്പിലാക്കുന്ന സ്വയംതൊഴില് പദ്ധതിയുടെ ഭാഗമായി 25 കുടുംബങ്ങള്ക്ക് കോഴിയും കൂടും വിതരണം ചെയ്തു. പൊന്നുരുന്നി സഹൃദയയില് സംഘടിപ്പിച്ച യോഗത്തില് എറണാകുളം ജില്ലാ പഞ്ചായത്ത് വൈസ് പ്രസിഡന്റ് അഡ്വക്കേറ്റ് എല്സി ജോര്ജ് പദ്ധതിയുടെ ഉദ്ഘാടനം നിര്വഹിച്ചു. സഹൃദയ എക്സിക്യൂട്ടീവ് ഡയറക്ടര് ഫാ. ജോസഫ് കൊളുത്തുവെള്ളില് അധ്യക്ഷത വഹിക്കുകയും പദ്ധതി വിശദീകരണം നടത്തുകയും ചെയ്തു. വാര്ഡ് കൗണ്സിലര് സക്കീര് തമ്മനം, സഹൃദയ അസിസ്റ്റന്റ് ഡയറക്ടര് ഫാദര് സിബിന് മനയമ്പിളി, ഫാ.ജോസഫ് കൊടിയന്, പ്രോഗ്രാം ഓഫിസര് കെ. ഒ. മാത്യുസ്, പ്രൊജക്റ്റ് കോര്ഡിനേറ്റര് സെലിന് പോള്, എന്നിവര് സംസാരിച്ചു. ജോസ് പോള് പരിശീലനപരിപാടിക്ക് നേതൃത്വം നല്കി.