കൊച്ചി: കേരളത്തിലെ സാങ്കേതിക വിദ്യാഭ്യാസമേഖലയില് നിസ്തുല സംഭാവനകള് നല്കിയ അതുല്യവ്യക്തിത്വമായിരുന്നു റവ. ഡോ. ജോസ് കുറിയേടത്തെന്നും അദ്ദേഹത്തിന്റെ വേര്പാട് ഏറെ വേദനാജനകവും സാങ്കേതിക വിദ്യാഭ്യാസ മേഖലയില് തീരാനഷ്ടവുമാണെന്നും കേരള കാത്തലിക് എഞ്ചിനീയറിംഗ് കോളജ് മാനേജ്മെന്റ്സ് അസോസിയേഷന്.
ദീര്ഘകാലം കേരള കാത്തലിക് എന്ജിനീയറിങ് കോളേജ് മാനേജ്മെന്റ്സ് അസോസിയേഷന് ജനറല് സെക്രട്ടറിയെന്ന നിലയിലും രാജഗിരി എഞ്ചിനീയറിംഗ് കോളജ് ഡയറക്ടറായും അദ്ദേഹം നടത്തിയ വിദ്യാഭ്യാസ സേവന ശുശ്രൂഷകള് ഏറെ അഭിമാനകരമാണ്.
കേരളത്തിന്റെ എഞ്ചിനീയറിംഗ് വിദ്യാഭ്യാസമേഖലയില് കാലഘട്ടത്തിനനുസരിച്ച് ആഗോള കാഴ്ചപ്പാടോടുകൂടിയ നൂതനങ്ങളായ മാറ്റങ്ങള് സൃഷ്ടിക്കുവാനും സാങ്കേതിക വിദ്യാഭ്യാസമേഖലയെ രാജ്യാന്തര തലത്തിലേയ്ക്ക് ഉയര്ത്തുവാനും അദ്ദേഹത്തിനായി.
കേരളത്തിലെ സ്വാശ്രയ എഞ്ചിനീയറിംഗ് കോളജുകളുടെ പ്രവര്ത്തനങ്ങളെ ഏകോപിപ്പിക്കുവാന് അദ്ദേഹം നടത്തിയ പരിശ്രമങ്ങള് ഏറെ നന്ദിയോടെ സ്മരിക്കുന്നുവെന്നും കേരള കാത്തലിക് എഞ്ചിനീയറിംഗ് കോളജ് മാനേജ്മെന്റ്സ് അസോസിയേഷന് പ്രസിഡന്റ് ഫാ. ജോണ് വര്ഗീസ് അനുശോചന സന്ദേശത്തില് സൂചിപ്പിച്ചു.
