എറണാകുളം മരട് സെന്റ് ജാന്നാ ചര്ച്ച് ഏര്പ്പെടുത്തിയിരിക്കുന്ന ഫാ. ചെറിയാന് നേരേവീട്ടില് 'ഇന്സ്പയറിങ് യങ് വുമണ്' അവാര്ഡ് അപൂര്വ 2025-ന് അപേക്ഷകള് ക്ഷണിക്കുന്നു.
ജീവിതത്തിലെ പ്രതികൂലസാഹചര്യങ്ങളോടും, വെല്ലുവിളികളോടും, ആത്മധൈര്യത്തോടെ പൊരുതി സമൂഹത്തിന് പ്രചോദനമേകുന്ന, 18-നും 35-നും മധ്യേ പ്രായമുള്ള യുവതികളെയാണ് ജാതിമത ഭേദമന്യേ അവാര്ഡിന് പരിഗണിക്കുന്നത്.
25,000 രൂപയും പ്രശസ്തി പത്രവും അടങ്ങുന്നതാണ് അവാര്ഡ്. യുവജന പ്രേഷിതനും, മരട് ജാന്നാ ഇടവകയുടെ വികാരിയുമായിരുന്ന ഫാ. ചെറിയാന് നേരേവീട്ടിലിന്റെ ഓര്മ്മക്കായിട്ടാണ് ഈ പുരസ്കാരം.
അവാര്ഡിന് അര്ഹതയുള്ള യുവതികള്ക്ക് നേരിട്ടോ, മറ്റുള്ളവര്ക്ക് യുവതികളെ നാമനിര്ദേശം ചെയ്തോ അപേക്ഷ അയക്കാം. ജനപ്രതിനിധികള്, മതസാമുദായിക നേതാക്കന്മാര്, സംഘടന ഭാരവാഹികള്, അധ്യാപകര് തുടങ്ങി
ആരെങ്കിലും രണ്ടു പേരുടെ സാക്ഷ്യപ്രതത്തോടുകൂടിയ അപേക്ഷ മെയ് 15 നു മുന്പായി stgiannachurchekm@gmail.com എന്ന മെയിലിലേക്ക് അയയ്ക്കേണ്ടതാണ്.
2025 മെയ് 25 ഞായറാഴ്ച വൈകിട്ട് മരട് വി. ജാന്നാ പള്ളിയില് നടക്കുന്ന ഫാ. ചെറിയാന് നേരെവീട്ടില് അനുസ്മരണ ചടങ്ങില് അവാര്ഡ് സമ്മാനിക്കും.
വിശദവിവരങ്ങള്ക്ക് 9544 437 442 എന്ന നമ്പറില് ബന്ധപ്പെടുക.
