കോട്ടയം: സ്വയം തൊഴില് സംരംഭങ്ങളിലൂടെ ഉപവരുമാന സാധ്യതകള്ക്ക് വഴിയൊരുക്കുക എന്ന ലക്ഷ്യത്തോടെ കോട്ടയം അതിരൂപതയുടെ സാമൂഹ്യ സേവന വിഭാഗമായ കോട്ടയം സോഷ്യല് സര്വീസ് സൊസൈറ്റിയുടെ നേതൃത്വത്തില് വിഭാവനം ചെയ്ത് നടപ്പിലാക്കുന്ന ആട് വളര്ത്തല് പദ്ധതിയുടെ ഭാഗമായി ധനസഹായം വിതരണം ചെയ്തു.
തെള്ളകം ചൈതന്യയില് സംഘടിപ്പിച്ച ചടങ്ങില് ധനസഹായ വിതരണം തിരുവഞ്ചൂര് രാധാകൃഷ്ണന് എം.എല്.എ നിര്വഹിച്ചു. ഏറ്റുമാനൂര് മുനിസിപ്പല് ചെയര്മാന് ടോമി കുരുവിള ചടങ്ങില് അധ്യക്ഷത വഹിച്ചു. കോട്ടയം സോഷ്യല് സര്വീസ് സൊസൈറ്റി എക്സിക്യൂട്ടീവ് ഡയറക്ടര് ഫാ. സുനില് പെരുമാനൂര്,
കെ.എസ്.എസ്.എസ് പ്രോഗ്രാം ഓഫീസര് സിജോ തോമസ് എന്നിവര് പ്രസംഗിച്ചു. പദ്ധതിയുടെ ഭാഗമായി തിരഞ്ഞെടുക്കപ്പെട്ട ഗുണഭോക്താക്കള്ക്ക് ഇന്ഷുറന്സ് പരിരക്ഷയോടുകൂടിയ ആട് വളര്ത്തല് പദ്ധതിക്കാണ് ധന സഹായം ലഭ്യമാക്കിയത്.
