പ്രൊ ലൈഫ് ക്രിസ്മസ് ന്യൂഇയര്‍ കാര്‍ഡുകള്‍ വരാപ്പുഴ ആര്‍ച്ചുബിഷപ്പ് ഡോ. ജോസഫ് കളത്തിപറമ്പില്‍ കെസിബിസി പ്രൊലൈഫ് പ്രസിഡന്റ് ജോണ്‍സന്‍ ചൂരേപറമ്പിലൈന് നല്‍കികൊണ്ട് പ്രകാശനം ചെയ്യുന്നു. ആനിമേറ്റര്‍ സാബു ജോസ്, സെക്രട്ടറി ലിസാ തോമസ്, വരാപ്പുഴ അതിരുപതാ ജനറല്‍ സെക്രട്ടറി മാര്‍ട്ടിന്‍ ന്യൂനസ്, ജിജോ ജോസ്, ടാബി ജോര്‍ജ്, റിന്റോ എന്നിവര്‍ സമീപം.
കൊച്ചി: മനുഷ്യജീവന്റെ പ്രാധാന്യവും മാതൃത്വത്തിന്റെ മഹനീ യതയുമാണ് ക്രിസ്മസ് നല്‍കുന്ന സന്ദേശമെന്ന് ആര്‍ച്ചുബിഷപ്പ് ഡോ. ജോസഫ് കളത്തിപറമ്പില്‍ പറഞ്ഞു.
ഞാന്‍ തന്നെ വഴിയും സത്യവും ജീവനുമെന്ന് അറിയിച്ച ക്രിസ്തുവിന്റെ പിറവി ജീവന്റെ മോഹോത്സവമാണെന്നും അദ്ദേഹം പറഞ്ഞു.
ഒരോ കുഞ്ഞും ദൈവത്തിന്റെ സ്‌നേഹത്തിന്റെയും കരുതലിന്റെയും സന്ദേശം ലോകത്തെ അറിയിക്കുന്നു. പ്രൊ ലൈഫ് ക്രിസ്മസ് ന്യൂഇയര്‍ കാര്‍ഡുകള്‍ വരാപ്പുഴ അതിരൂപത മെത്രാസന മന്ദിരത്തില്‍ വെച്ചു പ്രകാശനം ചെയ്തുകൊണ്ട് അദ്ദേഹം പറഞ്ഞു.
കെസിബിസി പ്രൊ ലൈഫ് പ്രസിഡന്റ് ജോണ്‍സന്‍ ചൂരേപറമ്പില്‍, ആനിമേറ്റര്‍ സാബു ജോസ്, സെക്രട്ടറി ലിസാ തോമസ്, വരാപ്പുഴ അതിരുപതാ ജനറല്‍ സെക്രട്ടറി മാര്‍ട്ടിന്‍ ന്യൂനസ്, ജിജോ ജോസ്, ടാബി ജോര്‍ജ്, റിന്റോ എന്നിവര്‍ പങ്കെടുത്തു.
